نهال طايل تشكر وزير التعليم بعد واقعة مدرسة الإسكندرية: مش كل مشكلة هنطلب تدخله

وجهت الإعلامية نهال طايل، الشكر لوزير التربية والتعليم لتدخله على الفور تجاه طلاب تعاملوا بشكل مسيء مع معلمة بإحدى مدارس الإسكندرية.

وتابعت خلال تقديم برنامج تفاصيل المذاع على قناة صدى البلد 2، هي المدرسة بتربي وتعلم ولا هي بتعلم بس، شوفت الفيديو 6 مرات عشان أستوعب اللي حصل.

وتسائلت: اللي حصل سوء تربية ولا سوء استيعاب مدرسة، أنا لو مسئولة في المدرسة أيا كان دوري هقولهم عيب، مفيش ليه معلم ولا معلمة تدخل أو كان معدي قدام الرقص والهيصة والزمبليطة ولا الست دي كانت قاعدة في مبنى لوحدها.

واستكملت: خلونا نقول الست دي تتهم حد أو عندها نظرية المؤامرة، أيا ما كان طيب أنا عاوز أفهم عيال طول بعرض دول تلاميذ مش طلابـ، مفيش راجل واقف في منشأة كاملة تمارس دورها في عز النهار.

وأردفت نهال طايل، هو كل أزمة هنستنى وزير التعليم يحل بنفسه، أنا مش فاهمة الحكاية دي، أيه دخل الطلبة في الحكاية، بقيت أشوف ما يحدث غريب.