هاني عادل عن مطربي الراب: سقف طموحك أنك تبقى أجمد من أخصامك

أوضح الفنان هاني عادل، أن مطربي الراب يقومون بالغناء بنفس الطريقة التقليدية التي يتبعونها جميعا، دون ويجز وشاهين فهم مختلفون عن غيرهم في اختيار نوعية الموسيقى والكلمات.

هاني عادل ينتقد مطربي الراب

وكتب الفنان هاني عادل، عبر حسابه الشخصي بموقع التواصل الاجتماعي «فيسبوك»: «مش متخيل استايل موسيقي كامل، مبيتكلمش عن أي حاجة في الأغاني غير أنه جامد، وأنا معايا أجمد واحدة، وأنا مش فاضيلك وبعمل فلوس في البنك، مفيش دلوقتي إلا اتنين هما اللي بيغنوا كلام مختلف.. ويجز وشاهين.. بشكركم بجد لأنكم من وقت للتاني بتكسروا الملل».

وتابع هاني عال حديثه عن مطربي الراب: «يا جماعة أنا بحب الراب سين جدًا، ومجهوداتهم، صدقوني أنتوا ممكن تغيروا تفكير جيل كامل بيسمعكوا.. اتكلموا عن مشاكلهم النفسية يا جماعة، مشاكلكم مع الجيل اللي مش فاهمكم، مشاكلكم العاطفية.. مينفعش يبقي كلكم يعني بتعرفوا واحدة علشان جامدة، وبتسيبها أول ما تشوف الأجمد منها».

هاني عادل لمطربي الراب: أنتوا ممكن تغيروا تفكير جيل كامل

وأضاف هاني عادل: «أظن علشان كده، أغنيه (البخت) كانت حقيقية، لأن أول مرة أسمع إن حد من السين اتسحل ورا واحدة، مش عارف هي بتحبوا ولا لا.. معندكمش مشاكل؟ يعني سقف طموحك إنك تبقى أجمد من مغني تاني ومن أخصامك؟ وحتى لو كده أكتر من 100 مغني راب بيقول نفس الحاجة، ده ينفع برضه؟!».

هاني عادل يشيد بـ ويجز وشاهين

ووجه الفنان هاني عادل رسالة لمطربي الراب: «ده أنتوا أجمد حاجة عندكم الكلام والكتابة.. أرجوكم اشتغلوا شوية على ده، علشان الناس تفضل تسمع.. يعني أرجوكم شوية إبهار بالمواضيع بقى، مش بس تكنيك الكتابة والقوالة.. الموضوع حاجة مهمة لو مكانش أهم حاجة.. أنا بقول ده علشان بحب أسمعكم، ونفسي الناس اللي بتحبكم متبطلش تسمعكم بعد شوية».

ويجز يرد على تصريحات هاني شنودة: أتمنى يجمعنا عمل قريبًا

تعاون هاني شاكر مع أكرم عادل فى أغنية «سنين»