«هتبقى عالمي».. محمد دياب يوجه رسالة لمحمد رمضان ويرد على منتقدي تصريحاته الأخيرة

حرص الكاتب والمخرج محمد دياب على توضيح تصريحاته، التي أثارت الجدل وضجة كبيرة حول تعاونه مع الفنان محمد رمضان في فيلم أسد.

قال محمد دياب عبر تصريحات إعلامية: «أنا اللي جاي من Moon Knight والناس بقى مستنياني تشوف هتعمل إيه، فالناس بقى بتقول إيه (رايح تشتغل مع محمد رمضان اللي هو مختلف عنه)، يعني أنا شخصيًا مش بتاع الأفلام اللي دايمًا تجارية».

واستكمل: «ومحمد بتاع الحاجات التجارية ولما أقول على واحد إن عنده طبقات يعني موهبته لسه فيها مساحات، أنا بقول له أنت هتبقى عالمي».

وأضاف محمد دياب: «محمد رمضان لو اتكلم باللغة الإنجليزية هيشتغل في هوليوود، وإحنا بقالنا 3 سنين بنتكلم على بعض، 3 سنين بقول على محمد رمضان إنه أحسن واحد وبحبه وموهوب ومعجب به، وييجي حد يقتطع الكلام».

وفيما يخص التصريح الذي أثار به الجدل، قال: «أنا كان عندي تحدي مرعوب منه إن أنا جاى من مون نايت والناس بتقول ورينا هتعمل إيه، وهشتغل مع مين بالنسبالهم مع محمد رمضان اللي هو توليفة التركيبة مش جاية».