هند عاكف تكشف سر اختفائها 10 سنوات وتعترف: تخطيت قواعد القاهرة السينمائي

ياسمين حمادة 11 يونية 2023 | 04:28 مساءً

تحدثت الفنانة هند عاكف عن أزمتها الشهيرة بمهرجان القاهرة السينمائي، موضحة أنها قررت عدم الذهاب إذا لم يتم دعوة خاصة لها.

هند عاكف في مهرجان القاهرة السينمائي

قالت هند عاكف في تصريحات تلفزيونية لها: «مش هروح مهرجان القاهرة غير لو اتقدمت لي دعوة.. واللي حصل أيام مهرجان القاهرة معنديش استعداد يحصل تاني.. أنا مكنتش اتوقع إن ده ممكن يحصل لأن أنا فنانة بشتغل من وأنا عندي 4 سنين وليا أعمالي».

وتابعت: «الحمدلله أنا مش وجه جديد وحتى لو وجه جديد مينفعش أبدًا في مهرجان بلدي يتقالك لا، وأستاذ حسين فهمي بحبه أوي بغض النظر عن اللي حصل في المهرجان.. ده فنان عظيم له تاريخه ومعتقدش أن هو اللي قالهم يعملوا كده استحاله أنا مكنتش حابة الموقف ده يحصل لكن مقدرش أزعل منه».

هند عاكف

تصريحات هند عاكف

واستكملت الفنانة هند عاكف قائلة: «أنا كنت بروح لما كان أستاذ حسين فهمي رئيس المهرجان من 20 سنة وكانت بتجيلي دعوة، يمكن اللي حصل السنة دي بسبب إنه حاطط قواعد معينة للفنانات ويمكن أنا تخطيت القواعد دي بدون ما أقصد».

وفيما يخص سر اختفائها حوالي 10 سنوات، أوضحت أنها دخلت في العمل السياسي بعد ثورة يناير وبعد مسلسل قلبي دليلي تعاقدت على 3 أعمال أبرزهما بطولة مع النجم محمود حميدة، لكن لم يتم تنفيذهم، مضيفة: «الدنيا خدتني والمجتمع المدني والسياسي أخدني وحسيت إني عندي مسئولية تجاه المواطن المصري وتجاه بلدي».

سبب اختفاء هند عاكف

وأضافت حديثها عن سبب غيابها عن الفن قائلة: «واجب عليّ أقف جمب بلدي زيي زي أي مواطن بيحب بلده، وقولت بس ربنا عايزني أكمل في المشوار ده وبعتلي رسالة، واختفيت 10 سنين عن المجال الفني، وسافرت روسيا ورجعت رشحت نفسي لمجلس الشعب، ومش ندمانة إني اشتغلت في السياسة ده خير ربنا هيحاسبني عليه، لكن زعلانة من نفسي إني مقدرتش أوفق بين الاتنين».

واختتمت: «كان ممكن أدي واجبي تجاه وطني وأمثل في نفس الوقت ولما رجعت لقيت الحركة الفنية اختلفت وده زعلني ولكن معرفتش استسلم».

هند عاكف وابنة حلمي بكر