ياسمين عبدالعزيز: لأي واحدة عايزة تحلو حبي نفسك

وجهت الفنانة ياسمين عبدالعزيز نصيحة للسيدات، للحفاظ على جمالهن، وكشفت سر جمالها وراحتها النفسية خلال الفترة الأخيرة.

قالت ياسمين عبدالعزيز عبر تصريحات تلفزيونية: «مش هقول سنجل والكلام الأهبل ده أنا بهرج برمي إفيه، مش هو ده بجد الواحد لما بيحب نفسه بيحلو أنا حبيت نفسي ودلوقتي بحب ياسمين وبفكر مع ياسمين ولياسمين».

وتابعت: «لما حبيت نفسي مع حاجات تانية اللي جواكي هو اللي بيطلع على وشك، لو من جوايا أسود هيطلع على وشي، ولأي واحدة عايزة تحلو حبي نفسك».

وعلى الجانب الآخر، كان قد رد الفنان والسيناريست عمرو محمود ياسين، على الأنباء المتداولة بشأن تخلي الفنانة ياسمين عبدالعزيز عنه في دراما رمضان 2027 المقبل.

كتب عمرو محمود ياسين في منشور عبر حسابه الرسمي بموقع فيس بوك: «هو لو ماشتغلناش أنا وياسمين مع بعض رمضان القادم.. ده يأتي تحت بند التخلي؟».

وتابع: «ولا ربما نبحث عن تغيير؟ أو ربما يكون لدى أي منا خطط أخرى؟.. وده كلام بقوله على سبيل المثل.. وبعدين تتخلى دي تتقال عن موظف في شركة».

واستكمل عمرو محمود ياسين: «مش في إطار خبر تعاون فنانة وكاتب!!.. عمومًا أنا وياسمين على تواصل دائم يمكن لحد من دقائق ولم نحسم أمرنا حول مشروع لرمضان القادم».

واختتم: «ولما يكون في تعاون قادم أكيد هيتم إعلانه وأخيرًا كفاية بقى هذا المستوى من التدني.. عيب الأسلوب وعيب تزييف الأخبار.. وعيب حاجات كتير قوي».