يستحق تكريم يليق فيه.. أحمد موسى يكشف تفاصيل زيارته لمحمد منير: هيطرح ألبوم قريب

كشف الإعلامي أحمد موسى، تفاصيل زيارته لـ المطرب محمد منير نجم العرب ومعشوق من الجماهير في مصر والعالم العربي.

وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن محمد منير هو الكينج، مردفًا: «كنا أنا وشقيقي محمود  ونشأت الديهي في زيارة لمحمد منير، منير نجم طوال 50 سنة ومطرب ونجم».

وتابع: «محمد منير بيحكي حكاية في كل أغنية غناها، يعتبر منير أشهر الحكائين، أجيال وراء أجيال بيغني وموسيقى جميلة وتسمع أغاني، ويسمعك أغاني لسه هتسموها، في اليوم اللي كنا سمعنا أغاني أول مرة، وهتسموعها الفترة الجاية، منير قاعد بيغني قدامنا كأنه قاعد قدام 20 ألف".

وأكمل: «محمد منير بيكلمني في الأحداث الكبيرة وبيقولي يا أحمد طمني على كذا، إيه الحكاية، بيقولي بحب أخد المعلومة منك، منير حابب للبلد ومؤسساتها، منير 50 سنة، وعلشان كدا النهاردة يستحق تكريم يليق بتاريخه، يستحق احتفالية كبيرة جدًا على ما قدمه من فن وإبداع وأغاني».

وأردف موسى: «محمد منير بيغني في كل دول العالم العربي، تقعد  مع منير لا تسمع إلا الفرحة، كنا قاعدين مع منير أنا ونشأت قولنا أخيرًا فصلنا عن الشغل، الكام ساعة دول خلانا نروح في مكان تاني، منير بيدور على الحاجة الجميلة طوال الوقت».

وأشار أحمد موسى إلى أن محمد منير حدثنا عن بليغ حمدي وهاني شنودة ويوسف شاهين، دا حجم منير تاريخه كدا، تكلمت معه وسألته عن حاجات أخرى، محمد منير نفسه يكون احتفالات أكتوبر في الميادين العامة علشان عاوز الناس تفرح، كمان نفسه احتفالات 30 تكون في الميادين العامة برضو».

ولفت أحمد موسى إلى أن أسطورة الغناء الكينج محمد منير كان معروض عليه ياخد جنسيات ورفض وقال أنا مصري، شغلتي أنا مصري، دا معنى الوطن، منير عاشق للبلد، منير يستحق أعلى تكريم وأعلى وسام، لأنه عمل وبيعمل ولسه بيعمل، عاشق للأهرام، كان بيتابعني في الأهرام.

أشار أحمد موسى أن الكاتب الصحفي كمال الملاخ المحرر في الأهرام توقع نجاح منير وشهرته منذ 50 عامًا، منير مش عنده مشاكل مع أي شخص أو في أزمات مع أي حد، ودا أمر يحسب ليه.