يسرا اللوزي لـ صدى البلد: بالنسبالي المخرج اللي مبيتعصبش وملهوش رأيي لعنة

تألقت الفنانة يسرا اللوزي في موسم مسلسلات رمضان 2023 من خلال مسلسلين وهما مسلسل المداح أسطورة العشق، ومسلسل جميلة مع المخرج سامح عبد العزيز الذي تعاونت معه من قبل في فيلم ليلة العيد.

يسرا اللوزي تتحدث عن المخرج سامح عبد العزيز

تحدثت الفنانة يسرا اللوزي عن المخرج سامح عبد العزيز، وقالت في حديثها لموقع قناة صدى البلد: «سامح عبدالعزيز شخص مودي جدًا، اتعاونت معاه قبل كده في فيلم ليلة العيد وكان له ظروف تانية عكس المسلسل لأننا كنا بنصور وسط الناس، لكن تصوير جميلة أفضل».

وتابعت حديثها: «ساعات بيكون هادي وساعات يبقى عصبي جدًا، وأعتقد إن أي مخرج بيشتغل على مشروع لمدة طويلة بيكون كده، لأنه بيشتغل كل يوم، عكس الممثلين هيجو إلا أيام تصويرهم، فهو دايمًا بيكون مضغوط يعني ممكن مفيش حاجة في التصوير تستدعي العصبية بس من ناحية تانية في حاجة في المونتاج أو بيفكر في أحداث».

يسرا اللوزي وسامح عبد العزيز

وأضافت يسرا اللوزي حديثها عن المخرج سامح عبد العزيز، وقالت: «المخرج سامح عبدالعزيز لما بيتعصب مش بيتعصب العصبية اللي تزعل هو زي أي مخرج بيبقى خايف على شغله».

واختتمت حديثها، وقالت: «أنا مبحبش المخرج اللي مبيتعصبش وملهوش رأي ده أنا بالنسبالي دي لعنة، أنا بحمد ربنا لما المخرج يقولي مش حلو وإعملي أحسن».

يسرا اللوزي لـ صدى البلد: شخصيتي في مسلسل جميلة خبيثة لا تشبهني ونهايتها مش سعيدة

يسرا اللوزي لـ صدى البلد: الحفظ في مسلسل جميلة صعب والأم الممثلة فكرة فاشلة

ملخص مسلسل المداح الحلقة 4 .. جثة الأمير تختفي وظهور مخيف ليسرا اللوزي

يسرا اللوزي لـ صدى البلد: أنا وريهام حجاج صحاب وبتجمعنا ذكريات.. سعيدة إني معاها في رمضان 2023

إيمي سمير غانم برفقة يسرا اللوزي: أخيرًا شوفت صديقة عمري