وجهت الفنانة دنيا سمير غانم، رسالة لزوجها الإعلامي رامي رضوان، بعد إعلانه إصابته بفيروس كورونا اليوم، عبر حسابها بموقع إنستجرام.
ونشرت صورتها بصحبة زوجها، وعلقت عليها قائلة: “بحبك أوي، ربنا يحفظك ويخليك ليا وربنا يحفظنا جميعا”.
وكتب رضوان، عبر حسابه الشخصي على منصَّة التواصل الاجتماعي “فيس بوك”: “الحمد لله على كل حال الحمد لله حمدا كثيرا.. تأكدت إصابتي بكورونا، وكلها كام يوم ويبقى عندي أجسام مضادة وأمررررررع في الأرض بإذن الله”.
وأضاف رضوان: “أنا بكتب عشان لو أي حد قابلني الكام يوم اللي فاتوا ياخد باله.. لا داعي للقلق.. لو ظهر أي أعراض ساعتها إجراء الفحص هيكون ضروري.. أنا ملتزم بالتباعد والكمامة.. إنما لأجل الحق مش بنفس قدر الالتزام والحسوكة وقت الموجة الأولى، وماعنديش أي فكرة جالي من مين وإزاي ابن اللئيمة ده”.
وتابع رضوان: “بقول الكلام ده عشان كلكم تاخدوا بالكم.. كله يلتزم أكتر من الأول.. الأعداد بتزيد (الرسمي وغير الرسمي) والتحذير من شهري ديسمبر ويناير مش من فراغ.. خلوا بالكم من نفسكم وممن حولكم ربنا يسلمكم جميعا من أي شر”.
رامي رضوان يعلن إصابته بكورونا : «كلها كام يوم ويبقى عندي أجسام مضادة وأمرع في الأرض»
رامي رضوان يكشف نتيجة مسحة فيروس كورونا :«سلبية والنعمة وعندي برد عادي»
