إيمان السيد عن تجاهل تكريمها بالمهرجانات:«عمري ماشوفت تعليق ضايقني .. وتابعت رد فعل الناس»

عبرت الفنانة إيمان السيد،عن استيائها الشديد لعدم دعوتها في المهرجانات الفنية، وتكريمها علي أعمالها .

وكتبت إيمان السيد منشورًا، عبر حسابها الشخصي على موقع التواصل الاجتماعي 'فيس بوك'، وقالت:'أنا حقيقي يكفيني جدًّا رد الفعل اللي شوفته من الناس طوال رمضان الحمد لله، ومش من مصر فقط بل من كل العالم العربي لدرجة إن في مقالات نقدية كنت بتكسف أشيرها عشان ممكن يكون فيها حاجة تجرح حد من زمايلي (من خارج العمل)'.

وأضافت، 'وحاجات كتير غير المقالات برضه كنت مش برضى احترامًا لمشاعر الزملا، الحمد لله شوفت حب كبير جدًا وتعليقات على جروبات مصرية وعربية قالت اللي جوايا من سنين فعرفت إن الحمد لله مش مضطرة أبرر وأحكي لأن الناس بتفهم جدًّا”.

وتابعت: 'وبرضه طوال رمضان كنت فاتحة التعليقات لكل الناس اللي مشرفني وجودهم عندي في قائمة الفولورز وعمري ماشوفت تعليق واحد ضايقني بل بالعكس الحمد لله.. هل بعد كرم ربنا دا كله ممكن يضايقني عدم التقدير: سواء في الصناعة أو الجوايز أو دعوات المهرجانات أو حتى مجرد الترشيح في مهرجان الفضائيات!”.

يذكر أنها شاركت في رمضان الماضي بمسلسل 'ونحب تاني ليه' مع الفنانة ياسمين عبد العزيز، وجسدت دور 'روعة' وهي شخصية كانت تعمل كخادمة بمنزل .

إيمان السيد تطالب الفنانين المصابين بكورونا الإعلان عن حالتهم.. «المرض مش عيب»

سالي حماد تكشف أعراض أزمة منتصف العمر عند الرجال والسيدات