التفاصيل الكاملة لأزمة مها أحمد والسقا وكرارة: «طلبت منهم شغل اعتبروني شحاتة»

انتشر خلال الساعات الماضية أزمة بين الفنان مها أحمد، والفنان أحمد السقا وأمير كرارة، واشتعلت الأزمة بينهما بعدما أوضحت مها تفاصيل جديدة بشأن حاجتها للعمل وأسند لها السقا دور كومبارس، وتدخل عدد من الفنانين لحل الأزمة .

- بداية الأزمة

عقب إعلان الشركة المتحدة للخدمات الإعلامية إيقاف التعامل مع محمد سامي مخرج مسلسل «نسل الأغراب»، هاجمت الفنانة مها أحمد عبر صفحتها على فيسبوك نجمين كبار، ولم تذكر أسماء هولاء النجوم مؤكدة أنهما شاركا في السباق الرمضاني 2021 .

وكتبت مها أحمد عبر حسابها الشخصي «فيس بوك»، «عوضي على الله دي الجملة اللي دايمًا بقولها لما اتصدم فأشخاص، الحكاية با سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلي أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كدة مع أي زميلة لهم اقربها أنا».

وأضافت «النجم الأول بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض أنه عارف قيمتي الفنية وعارف اني إضافة له، اتهرب منى وموقفش جنبى وباعنى رغم ان الكل عارف انى زى اخته(ندل)».

وتابعت، «أما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه)».

واختتمت مها أحمد حديثها، « يمهل ولا يهمل ابدوا من جديد يا أوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. (عوضنا على الله) .. يارب متحوجنا لحد حتى ولو كان اققرب الناس لينا».

- تصاعد الأزمة

تصاعدت الأزمة بشكل ملحوظ، وخرجت الفنانة مها أحمد في بث مباشر لتكشف تفاصيل الخلاف الذي آثارته مع أحمد السقا وأمير كرارة،

وقالت في مها في الفيديو الذي ظهرت فيه عبر صفحتها الرسمية على موقع التواصل الاجتماعي «فيسبوك»، « لجأت لصديق ليا كان زميلي وزميل جوزي.. وكان بيروح عند جوزي في بيته وأهل جوزي كانوا فاتحين ذراعيهم ليه والعكس».

وتابعت «مش عيب أني أتكلم معاه وأعيط وأقوله أني حزينة بسبب قعدتي في البيت.. قولت لمجدي أنا هكلم زمايلنا اللي هما نجوم وقوليلهم أني عايزة اشتغل».

وأشارت إلى أنه قابل ردها قائلًا: «قالي متعمليش كده عشان لا تقللي من شأنك من نفسك.. معملتش بكلام مجدي وكلمته وعيطت.. وابتديت ادخل في مرحلة اكتئاب لأني عايزة اشتغل.. بعد يومين لقيته بيكلمني يقولي في دور حلو اوي».

واختتمت كلامها قائلة: «كنت في أشد الاحتياج للشتغل.. وتفاجأت أنه اتبعتلي دور غير اللي قالي عليه.. ومكنش فعال ومليش لازمة في المسلسل.. كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاته رغم أني كنت مترجماها على إنها سعي”.

- ردود فعل أقارب أحمد السقا

ردت فاطمة السقا، شقيقة الفنان أحمد السقا، وكتبت قائلة: «‎أبهرتينى يا مها بأخلاقك العالية.. وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه “ندل” اللى هو أحمد السقا».

وأضافت، «أنا بقولك قدام الناس قطع لسان أى حد يقول عليه كده لأنه راجل اكرمك ووقف جنبك أنتى ومجدى بدل المرة الف، وأمير كرارة بردو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان بس هو أى حد يتمنى يشتغل معاه دلوقتى أكيد.. وكلمة الدور بينادى صاحبه دى بتاعة أفلام.. ما بتتقالش فى الحقيقة، كفايا دراما وتشويه للناس».

وتابعت مها أحمد حديثها، «وبعدين هما كممثلين مش مطالبين يقفو جنبك ولا يجيبولك أدوارعلى فكرة.. دى رؤية مخرج وناس بتوع كاستنج.. الحقيقة أنا مش عارفة أنتى عايزة إيه.. أنا مش شايفة بعد العشرة الطويلة اللى أنتى قولتى عليها غير كمية الحقد والسواد والشماتة اللى كانو متداريين ورا ابتسامة كدابة .. معرفش أنتى إزاى كنتى بتدخلى بيوتنا الصراحة وأنتى ست وحشة كده.. ونسيت أقولك السب والتطاول ده بيدل على الأصل.. وإحنا بقى ولاد ناس مع أننا عندنا كلام كتير أوى يتقال».

ردت نادية، والدة الفنان أحمد السقا، قائلة «على الأصل دور، كومبارس فاشلة تتطاول وتسب فنانين كبار وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس، ليس لك مكان بين الفنانين المحترمين، وإن طلع العيب من أهل العيب ما يبقاش عيب».

وكتبت فاطمة السقا، شقيقة الفنان أحمد السقا، قائلة: «‎أبهرتينى يا مها بأخلاقك العالية.. وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه “ندل” اللى هو أحمد السقا».

- تدخلات الفنانين للصلح بينهما

- نشوى مصطفى

وجهت الفنانة نشوى مصطفى حديثها للفنانة مها أحمد وأحمد السقا قائلة، «يارب وحياة حبيبك النبى يتصالحو ويتصافوا، كلهم طيبين، وولاد الاصول الفرسان بنبل أخلاقهم حيسامحوا لانهم عارفين الظروف واكيد مقدرنها» .

وأضافت، «الحياة مش مستاهلة خناق وبتخلص فى ثانية وادينا شايفين، والناس اللي بتنفخ فى النار من تحت لتحت حاقول لهم من فضلكم اغلبوا شياطينكم وخلينا نسعى فى الخير، احنا عيلة واحدة، واللي غلط اكيد ميقصدش، التمس لاخيك الف عذر.. يارب بحق الايام الطيبة تمدهم بالمحبة وتنور قلوبهم وتبعد عنهم الشيطان».

- مصطفي درويش

قال الفنان مصطفي درويش، «رغم رفضي لاسلوبها الصارخ مع احمد السقا وكرارة .. الا انها اكيد في ضغوط شديدة اووي خلتها تطلع برة الفريم اللي مفروض تتكلم من خلاله، ضغوط حياة ..مصاريف ..طفل ذا احتياجات خاصة ..محتاج علاج وفلوس ، هي قعدة في البيت مفيش شغل ...ضغط نفسي .. صراعات حياة اقوي من اي انسان طبيعي».

وأضاف مصطفي، «محدش يعرف ظروف حد ..ولا حد يعرف اللي ورا الابواب ...ساعات الضغوط والمسؤليات بتخلي الانسان ينفجر بشكل مش صح ...بس اكيد احنا مش ملايكة .....والدنيا كاس وداير، ومحدش يبرر ولا يغلط ..لما تبقي في نفس الظروف بالمللي ابقي اتكلم، ياريت نقف جنبها ولو بدعوة ان ربنا يصلح حالها».

نشوى مصطفى عن أزمة مها أحمد والسقا: «يارب يتصالحوا كلهم طيبين»

مها أحمد تكشف تفاصيل أزمتها مع السقا وكرارة: طلبت منهم شغل جابولى دور كومبارس