الرئيس السيسي: التعدي على الترع والطرق كلفنا ضعف تكلفة التطوير

قال الرئيس عبدالفتاح السيسي، إن التعديات على جسور المحاور والطرق تكلفنا كثيرا، مضيفا أن ما تقوم به الدولة المصرية من شبكات طرق حتى تناسب الـ 100 مليون مصري خلال العشر سنوات المقبلة.

أضاف الرئيس السيسي، خلال افتتاح محور التعمير، اليوم، الإثنين، يجب ألا نسمح بالتعدي على جسور الترع أو حرم الطرق، لافتا إلى أن شبكة الطرق الموجودة لم تكن تلبي متطلبات التنمية.

وأوضح أن التعدي على جسور الترع وحرم الطرق، كلف الدولة ضعف التكلفة، قائلا: لولا التعدي على الطرق والترع كانت الطرق اتعملت مش بنص التكلفة لكن بربع التكلفة، زي ما حصل في محور المحمودية كان اتعمل بسهولة من سنة ونص فاتوا لو مكنش في مخالفات».

700 مليون جنيه تعويض اجتماعي للمواطنين

وأوضح الرئيس السيسي، أن الدولة كانت حريصة على تعويض المواطنين وتدبير الأموال لهم، خلال تطوير محور المحمودية وعوضنا الناس بـ 700 مليون جنيه كتعويض اجتماعي وكنا لازم نعوضهم ثم العمل في إزالة المخالفات وعمل المحور، قائلا: ««كان فيه حتت مش بنقدر نعمل فيها حاجة علشان الكثافة السكانية، فقولنا نعمل كوبري على الطريق لمنع الإزالة ونحافظ على الترع والناس، ولازم الناس تكون منتبه لده كويس، والمفرض منعملش كده تاني والدولة لن تسمح بده تاني، مفيش محافظ هيسمح بالتعدي على جسر ترعة أو حرم طريق».

وقال الرئيس السيسي: « موضوع الطريق الزراعي أنشئ سنة 59.. لو مكنشي في تعدي كان ممكن نعمل الطريق 5 حارات و5 حارات في كل اتجاه بربع التكلفة، عملنا على الطريق الصحراوي للتخفيف على الزراع وطريق النوبارية بالطريقة دي، علشان نقدر نحرك الناس على الطريق الزراعي والدلتا كويس».

وأكمل الرئيس السيسي: «بقول للمسئولين في المحافظات والمسئولين في الدولة والمواطنين لازم تاخدوا بالكم، دى تكاليف كبيرة جدا وفلوس مصر والناس بدل ما اصرف مليار و2 الاقي بصرف 5 و6 مليارات، لازم نكون منتبهين كويس لده».

الرئيس السيسي: لم نرفع أسعار القمح والذرة رغم زيادة تكلفة الاستيراد.. فيديو

الرئيس السيسي: إحنا مش بنخاف عشان ربنا معانا.. والمصريون حريصون على البلد