السيسي: أصعب لحظة مرت بي لما خفت على أهلي وناسي وأسعد لحظة لسه مجتش

قال الرئيس السيسي ردا على سؤال الطفل علي «أيه أفضل لحظة سعيدة مرت على حياتك؟ وأصعب لحظة صعبة؟» إن «أصعب لحظة هي الفترة اللي حسيت إن بلدنا ممكن تروح، أحيانا يا علي يكون فهمك مشكلة تعذبك، لو أنت بتفهم أوي مكن تتعذب أوي لأنك هتشوف حاجات محدش هيفهما غيرك.. خفت يا علي خفت على أهلي وناسي إحنا بلد كبير ومشاكلنا كتير لو البلد وقعت الناس هتروح فين».

وتابع الرئيس: «أسعد لحظة لسه مجاتش، وهي الحلم اللي بحلمه لبلدي، يارب بيكم وبالمصريين شباب وكبار وقادرون باختلاف اللي أنا بعول بيهم وبقسم بيهم أمام الله أنه يساعدنا».

وأدار الفنان أشرف عبد الباقي حوارا مع الرئيس عبد الفتاح السيسي وأطفال قادرون باختلاف، خلال احتفالية «قادرون باختلاف» لأصحاب الهمم وذوي القدرات الخاصة.

وقال أشرف عبد الباقي، إن «الشباب سعداء بهذا اليوم الذي خصص لهم، واسمحوا لي بإدارة هذا الحوار».

وقدم أشرف عبد الباقي الطفل علي أحمد بطل الجمهورية في ألعاب القوة، والحاصل على 49 ميدالية، والذي بدأ حديثه قائلا «إزيك يا ريس عامل إيه؟»، ليرد الرئيس: «أهلا وسهلا يا علي وأهلا وسهلا بيكم كلكم».

وسأل أشرف عبد الباقي الطفل على نفس السؤال ليرد علي قائلا: «أصعب لحظة يوم ما مصر فازت على الكنغو 2-1 ونفسي أقابل أبو مكة، ليرد مصطفى شعبان نجيبه» ويرد الرئيس السيسي قائلا «محمد صلاح بطل ودايما مع مصر».

وأما الطفلة نورهان أول بطل في الزحف على الجليد من قادرون باختلاف وعارضة أزياء، فقالت: «منورنا ياريس، أيه اكتر أمنية بتتمناها وأيه أكتر أمنية لمصر؟»، ليرد الرئيس: «أكتر أمنية شخصية أن ربنا يرضى عني، أنت عارفة يا نورهان أن دي أمنية غالية أوي.. عارفة رضى ربنا أيه.. ربنا عظيم السموات والأرض يرضى ياريت.. أنا بحلم لمصر ولها وبكل الناس مشينا خطوة من ألف فاضل 1000 خطوة».

وسأل أشرف عبد الباقي الطفلة نورهان نفس السؤال لترد قائلة: نفسي أكون مذيعة وموديل ومحدش يقول علينا ذوى الهمم إحنا القادرون باختلاف، ليرد السيسي مازحا: «أقول لك على حاجة الأستاذ أشرف معاكي يدير الحوار طب مانشوف حاجة يعني.. ليقول أشرف: «تنوري».

وقالت الطفلة ريتاج 12 عاما موجهة كلامها للرئيس أنت مبسوط وأنت قاعد معانا، ليرد الرئيس: «أسعد يوم بالنسبالي اليوم اللي بشوفكم فيه وأبقى وسطيكم، ربنا بينزل على قلبي البهجة والسعادة والرضى.. أنا سعيد بيكي جدا يا ريتاج، أنا بحبكم جدا».

السيسي يهنئ الإمارات بالعيد الوطني: نموذج فريد في التنمية والعمران والتحديث التكنولوجي