السيسي عن القطاع الخاص: عارفين حسن النوايا لكن شغل شركة وصل لـ 11 مليار سنويا

أكد الرئيس عبد الفتاح السيسي، أن محطات تموين السيارات بالغاز الطبيعي أصبحت متاحة في كل محافظات مصر.

وتابع خلال افتتاح عدد من المشروعات في الصعيد «أوجه التحية والتقدير لأهالينا وبصفة خاصة في الصعيد، نصيب الصعيد من التنمية كان أقل من باقي محافظات الجمهورية، بنحاول نخلي الدولة كلها على نسق واحد عشان ميبقاش محافظة بتتفوق على منطقة أخرى، وهو ما ستنفذه مبادرة حياة كريمة».

وأضاف «عايز أقول لأهلنا في الصعيد حجم الجهد المبذول خلال السنوات السبع الماضية يتعدى سنوات كثيرة من العمل والإنفاق، نتحدث حول أرقام ضخمة ضخت لتحقيق أحلامنا وطموحاتنا فيما يخص التنمية والبنية الأساسية والتعليم بمصر، الجودة والرفاهية المنشودة تتطلب الاستمرار في العمل وتحسين ما لدينا».

واستطرد «متاهة التخلف سببها الجهل والفقر وقلة الوعي، و هذه الأزمات الثلاث مرتبطة ببعضها، إحنا كدولة بذلنا جهد ضخم وكله كان من توفيق ربنا لينا، وهفضل أكرر الحمد والشكر والثناء العظيم لله الذي وفقنا ومكنا، نقدر نقول بتواضع من شخصي وباسم الحكومة اللي اتعمل والله ما يتعمل لا بظروفنا ولا قدراتنا الاقتصادية».

وأكمل «روحي المعنوية لم تتأثر كوني أرى التحدي منذ 25 عاما، وما أتحدث فيه ليس بجديد عليا، إحنا مش مصدومين بالواقع لكن محتاجين كلنا نبقى شايفينه زي بعض».

وأشار إلى أن عدد الشركات الخاصة التي شاركت في مشروعات الدولة على مدار 7 سنوات بلغ 4500 شركة بإجمالي ألف و 100 مليار جنيه، مضيفا « والله نتمنى مشاركة القطاع الخاص في كل شئ، والتمني هنا ليس كلام فقط بل تشجيع أيضا، لو القطاع الخاص عايز يشارك في المشروعات اللي افتتحت النهاردة أهلا وسهلا، مستعدين لمشاركة القطاع الخاصة بالنسبة التي يريدها».

ووجه الرئيس السيسي رسالة إلى شركات القطاع الخاص «ادخلوا في مشروعات أخرى لدفع عجلات الاقتصاد، نحن لا نشجع بالكلام فقط، إذا كان في حد مستعد في القطاع الخاص للاستثمار في الأفدنة المستصلحة هبقى سعيد جدا، شراكة القطاع الخاص في جميع المشروعات توجه دولة»، حجم العمل المطلوب في مصر ضخم، وحجم عمل شركات قطاع الخاص مقدرة

وأكمل «مش هتجد حاجة ناقصة في مشروع زي مشروع الـ 200 فدان، إحنا جادين أوي في مواجهة تحدياتانا والتغلب على ما نحن فيه، نحن نقاتل وبفضلك يا رب هنخرج من اللي إحنا فيه إلى احنا بنتمناه لبلدنا».

وأضاف «كل الكلام بيتقال مقدر ومحترم، عارفين حسن النوايا محدش عنده نوايا مش طيبة تجاه بلده، الشركة دي اشتغلت بـ 75 مليار جنيه في 7 سنين يعني كل سنة بـ 11 مليار جنيه، معلقا «فيه حد بيشتغل بـ 11 مليار جنيه في السنة مبيتغلش».

وأردف «المليون فدان جاهزين للي عايز يجي يزرعها، الأمن القومي للدولة بيخليها تصرف أحيانا بشكل غير اقتصادي، إحنا أسرة واحدة حكومة قطاع خاص، محدش يقول أنت وأنا، أنا إنسان بحاول أكون صادق عشان ربنا هيحاسبنا على كل كلمة، البلد هتقوم بينا وبفهمنا كلنا».

وحول توسعة الطرق قال الرئيس السيسي: «2100 عمارة اتشالوا في الدائري، ممكن حد يقولي ما تسييب الطريق لكن حجم النمو يتطلب زيادة الحارات، ما قولناش الناس دي تمشي من مكانها وخلاص دول أهلنا، إحنا هنكسب رضا ربنا ورضاكم»، مختتما «الحكومة بتتألم مني في الجلسات الخاصة بنا، عشان عايز أخلص كل اللي مخلصش، عايز أفضل خدام لله وللناس لغاية ما أمشي وربنا يوفقنا».

السيسي: 4500 شركة قطاع خاص ساهمت في مشروعات الدولة.. فيديو

السيسي: والله اللي اتعمل في البلد ما يتعمل في ظروفنا ولا قدراتنا.. فيديو