السيسي يشكر محمد شاكر: عالم جليل فاضل استطاع تحقيق نقلة بالكهرباء.. فيديو

وجه الرئيس عبدالفتاح السيسي التحية والشكر إلى الدكتور محمد شاكر، وزير الكهرباء والطاقة المتجددة على جهود التطوير التي شهدتها مصر خلال الفترة الماضية.

وقال السيسي خلال افتتاح عدد من المشروعات بصعيد مصر «باسمي وباسم كل المصريين، فرصة نتحدث عن وزير الكهرباء وجهده في مشكلة من أكبر المشكلات التي واجهتنا في مصر، نحن نتحدث عن جهد وزارة على رأسها عالم جليل فاضل استطاع عبر علمه وجهده تحقيق نقلة كبيرة في ملف الكهرباء بمصر، بعد ظروف صعبة في ملف الطاقة».

وأضاف «نسير في اتجاه أن تصبح الطاقة الكهربائية في مصر، سواء إنتاج أو تحكم أو توزيع مثل أي دولة متقدمة في هذا المجال، لذلك نحن نتحدث على النقل لدور الجوار عبر الربط الكهربائي، العالم كله رايح لكده والدولة اللي مش جاهزة هيفوتها التقدم ده»، مضيفا «مكناش هنقدر نعمل الربط إلا بالإجراءات والجهود التي نفذت في هذا المجال».

وأضاف الرئيس السيسي «الدكتور شاكر ليه مكتب وشركة كبرى، لما طلبنا منه يجي معنا ساب شركته ولم يسمح لها بالدخول في أي عمل مع الدولة المصرية، وأي حاجة بيعملها لينا بدون مقابل»، مازحا «أنا بصراحة حابب الحكاية دي».

وحول إنجازات ملف الكهرباء قال السيسي «المشكلة في 2013 و2014 لم تكن في الإنتاج فقط، بل التوزيع أيضا، لم يكن أمامنا خيار آخر لمشروعات الكهرباء»، مؤكدا أهمية إتاحة وسائل الإعلام لإنجازات مشروعات الكهرباء للمواطنين.

وحول أسعار الكهرباء قال الرئيس السيسي «بعض الناس ممكن تقول الكهرباء غالية يا دكتور شاكر، صحيح هي غالية مش عشان إحنا عايزين نغلييها عليكم، الدكتور شاكر ما اتكلمش في جودة التحصيل وحجم الفاقد، دائما نتحدث على حومة إجراءاتنا، دايما بقول لو بنحصل المستهدف من اللي بنعمله نبقى ناجحين، وإلا هيبقى فيه عجز تتحمله الدولة، أعباء هذه المشروعات ضخمة جدا، وكان أمامنا خيار من اثنين نقول المشكلة دي متتحلش مثل دول أخرى، أو نحلها لأننا شوفنا أن الأمن القومي المصري ممكن يتأثر بالحكاية دي».

وتابع «لو مفيش الكهرباء الناس مش هتشتغل وبالتالي تتقفل المصانع، والبلد دي هتتهد، الخطة»، مردفا «عرض مشروعات الصعيد هدفه إننا نقول للناس أن الاهتمام مش كلام، أتصور إن الأرقام اللي خصصت للصعيد وصلت إلى تريليون و100 مليار جنيه، وإحنا لسه شغالين».

وطالب الرئيس السيسي بتغيير العدادات في المراكز التي تشملها مبادرة حياة كريمة إلى «مسبوقة الدفع» قائلا «هل ممكن نغير عدادات الـ 34 مركز اللي داخلين في المرحلة الأولى لحياة كريمة بعدادات مسبوقة الدفع، فيه ناس اشتكت ليا أن القراءة مش مظبوطة».

وتابع الرئيس السيسي «ياريت كل عدادتنا تبقى مسبوقة الدفع عشان نتجاوز مشكلة الظلم أو العدادات غير المضبوطة».

وأكمل «حابين نقول للناس والإعلام حجم الجهد المبذول في الصعيد، وده مش منة، ده شغلنا بنعمله لو ما اتعملش نبقى مقصرين هنعمل أكتر من كده».

ووجه الرئيس السيسي بتنظيم زيارات للجامعات إلى المشروعات الجديدة «خلوا شاب الجامعة تشوف توشكى والعوينات عشان التشكيك اللي بيحصل أحيانا على مواقع التواصل الاجتماعي» معلقا «كل مشروع سد عالي على الأقل، عايز الناش تشوفه عشان الناس معنوياته ترتفع، وثقتها في نفسها والدولة تزيد».

وداعب وزير الكهرباء «بتشكر في وزارة الدفاع بتدقق معاهم في الفلوس ليه»، ليرد وزير الكهرباء مازحا «دايما بقول الفلوس حاجة تانية».

https://www.youtube.com/watch?v=ffO88RgIrzg

السيسي يتفقد اليوم مجمع بنبان للطاقة الشمسية ويفتتح عددا من مشروعات الكهرباء بالصعيد

الرئيس السيسي يتفقد مشروعات استصلاح الأراضي الزراعية بتوشكى.. صور