بعد إطلاق منصة الشباب.. الأنظار تتجه إلى مصير أفكار ومقترحات الشباب

أكد محمد ممدوح، رئيس مجلس الشباب المصري وعضو المجلس القومي لحقوق الإنسان، أهمية أن تتحول منصة الشباب إلى أداة عملية لتعزيز المشاركة المجتمعية والسياسية لدى الشباب، مشددًا على أن نجاح المنصة لا يُقاس بعدد الأفكار المقدمة، وإنما بما يتم دراسته وتنفيذه وتحويله إلى أثر ملموس على أرض الواقع.

وقال خلال لقائه مع الإعلامية آية شعيب في برنامج «أنا وهو وهي» المذاع على قناة «صدى البلد» إن المعيار الحقيقي لقياس نجاح المنصة يتمثل في مخرجاتها، موضحًا: «آلة القياس أو أداة القياس الحقيقية اللي هنتعاطى بيها مع هذه المنصة مش حجم الأفكار اللي دخلتها، ولكن المخرجات الخاصة بهذه المنصة».

وأضاف: «مش هفرح لو اتقال إن إحنا اتقدم لنا مليون فكرة من مليون شاب مصري، اللي يهمنا كام فكرة اتدرست؟ كام فكرة اتابعت؟ كام فكرة خرجت للنور؟ عشان يبقى عندنا مؤشرات قياس واضحة، عايزين ننتقل من فكرة الفرحة بالأعداد للفرحة بالأثر، ودي واحدة من النقاط المهمة».

وأوضح: «عايز أربط المنصة بحاجة مهمة جداً وهي الاستراتيجية الوطنية لحقوق الإنسان اللي فيها محور بيتكلم وتحدي واضح عن تحدي المشاركة بالشأن العام».