بعد دخوله الـ 60.. بيومي فؤاد: «دي أول سنة الناس مش مصدقة إني مكنتش في رمضان»

علق الفنان بيومي فؤاد على مزاعم أنه مليونير، وتحدث عن التغيير بعد دخوله عامه الـ 60.

قال بيومي فؤاد عبر تصريحات تلفزيونية: «أي حد عنده مليون جنيه يبقى مليونير.. فأنا مليونير الحمدلله».

وتابع: «دخلت الـ60 من شهور قليلة ومفيش حاجة اتغيرت لأني من 10 سنين كنت بعمل أدوار كبيرة، وعلى المستوى الشخصي هديت وبقيت بنتقي أوي أدواري».

واستكمل بيومي فؤاد: «دي أول سنة الناس مش مصدقة أن بيومي فؤاد مكنش له أي مسلسل في رمضان 2026»، لافتًا إلى أن نجوميته تأخرت بسبب عمله في مجال الترميم في قطاع فنون تشكيلية في وزارة الثقافة.

واختتم: «نجوميتي تأخرت بسبب عملي كموظف، كنت بحب شغلي أوي وعمري ما ندمت أن ده كان سبب في تأخير شغلي كممثل».