تامر هجرس: لازم تفتخر إن الناس بتبص على مراتك.. ومش خايف أموت بالتاتو

ياسمين حمادة 30 مايو 2023 | 06:03 مساءً

أثار الفنان تامر هجرس ضجة واسعة بتصريحاته الأخيرة عن زوجته، قائلًا: «لما تمشي مع مراتك والناس تبص عليها لازم تفتخر إنك معاك واحدة جميلة».

تصريحات تامر هجرس عن زوجته

قال تامر هجرس في تصريحات تلفزيونية له: «تعرفت على زوجتي ميرال في الجامعة الأمريكية في مصر وهى كانت تعيش طوال حياتها في الكويت».

وتابع: «هى أحلى وأفضل ست بالنسبة لي في حياتي وهى مثلي عندها عرق إنجليزي، كنت بغير عليها لكن الآن تعلمت بما فيه الكفاية، وصحابي كان بيقولولي فيه بنت مصرية حلوة جاية من الكويت اتعرفت عليها وأعجبت بها واكتشفت إنها أحلى ست».

تامر هجرس

الفنان تامر هجرس وبناته

واستكمل حديثه عن زوجته قائلًا: «اكتشفت إنها حلوة مش بس من برة لا من جوة كمان، وحظي حلو إني متجوزها لحد النهاردة، هي ملهاش علاقة بالفن وأنا عمري ما رفضت طلب لبناتي تمارا وتارا، ومصاحبهم جدًا وأب لذيذ أما والدتهم شديدة عليهم وأنا ضعيف».

وعن إمكانية دخول بناته عالم الفن، قال: «ماعنديش مانع إنهم يمثلوا، وكان نفسي يبقى عندي ولد واسميه كمال ويكمل اسم هجرس لكن أول ما جاءت تمارا للدنيا ومسكت إيدي نسيت كل حاجة».

تصريحات تامر هجرس

ومن بين تصريحات تامر هجرس المثيرة للجدل، قال: «لو اتعرض عليّ دور خالد الصاوي في عمارة يعقوبيان كنت هوافق عليه، وعندي 5 تاتوهات ومش خايف أموت بيها لأن ربنا مش هيفرق معاه أنا حاطط تاتوه ولا لأ».

واختتم حديثه: «أنا طول عمري رياضي وأهتم بصحتي وكنت ألعب كرة ماء، ولن أجري وراء منتج للحصول على دور فني، ولم أندم على المشاركة فى كليب مع هيفاء وراضى عن مشواري الفني، وعندي بيزنس تاني غير التمثيل في البورصة والعقارات، وبعمل فيلم تسجيلي عن حياتي والأماكن التي زرتها، وبدأت من اليونان».

تامر هجرس