«تمر بألم عنيف».. تطورات جديدة في حالة أنغام الصحية

كشف الإعلامي محمود سعد تطورات جديدة في حالة الفنانة أنغام الصحية، مطالبًا الجمهور بالدعاء لها.

نشر محمود سعد مقطع فيديو عبر قناته الرسمية بموقع الفيديوهات يوتيوب، لافتًا إلى أنه على تواصل معها ومع أسرتها للاطمئنان على حالتها الصحية.

تطورات جديدة في حالة أنغام الصحية

وقال: «هكلمكم عن صديقتي العزيزة الغالية أنغام كان بيننا اتصال وأنا بتابع معاها كل يوم، مرات بكلمها ومرات بكلم عمر ابنها الكبير وبيطمني عليها، بس هي الحقيقة تعبانة وفيه ألم جامد وبتمر بتعب».

واستكمل الإعلامي محمود سعد: «لأن فيه مشاكل، وإن شاء الله يمكن بعد 3 أو 4 أيام نقدر نشوف، ادعولها لأنها بتمر بألم عنيف، والحكاية صعبة لكن إن شاء الله مفيش حاجة خطر لكن فيه ألم ومش عارفين إيه هيحصل يوم الأربعاء والخميس الجايين».

تصريحات محمود سعد عن أنغام

واختتم: «هي دلوقتي في المستشفى وقاعدة لآخر الأسبوع إن شاء الله ومعاها ولادها وأصحابها أنا عايزكم تدعولها ربنا يخفف عنها هذا الألم عشان تعبر هذه الأزمة الصحية العنيفة، أنا بحب أتكلم عن أنغام مش عشان أغطي أخبارها وبس أولا عشان فيه أخبار مش حقيقية، ولكن هي صديقة غالية جدًا عندي هي صديقتي بشكل غالي من الأصدقاء الأوفياء اللي أعرفهم من زمان وصداقتنا قوية ومستمرة، وأنغام عوضتني عدم رؤيتي لأم كلثوم بحضر معاها أغانيها والتسجيلات وبشوف الأغنية بتتولد إزاي بتختار الكلام ويحطوا الموسيقى، وهي نجمتكم وبتحبوها هي الحمد لله كويسة لكن محتاجة دعاء».