خطيب البلوجر سارة : والدها اشترط اكتب الكتاب قبل ما أشوفها في المستشفى .. فيديو

ياسمين حمادة 01 مارس 2023 | 09:23 مساءً

تحدث مصطفى خطيب البلوجر سارة عن فترة انفصالهما قبل الحادث، قائلًا: «كنا مخطوبين وحصل انفصال بعد 3 شهور بسبب مشاكل الأهل».

انفصال البلوجر سارة وخطيبها مصطفى

قال مصطفى خطيب البلوجر سارة عن سبب انفصالهما: «مشاكل الأهل ووالدتها بتحطنا في مشاكل دايمًا، وبعرف أخبارها دايمًا من المقربين لها والسوشيال ميديا وصحابها».

وتابع مصطفى قائلًا: «سارة أكتر حاجة وجعاها إني مش جنبها وكل فترة أهلها بيكرهوهها فيا، وأنا كان ممكن أموت في ساعتها لأن الخرطوش كان ناحيتي».

كتب كتاب البلوجر سارة بعد إصابتها

وأشار مصطفى خطيب البلوجر سارة إلى أن والدها اشترط عليه أن يعقد قرانهما قبل أن يراها ويطمئن عليها، قائلًا: «طلب مننا أكتب عليها قبل ما أشوفها وأتطمن عليها.. الكلام ده بعدما خرجت من المستشفى بيومين».

وفيما يخص الحالة الصحية للبلوجر سارة، تابع قائلًا: «فيه أمل تشوف بعين واحدة لأنها أصيبت بشكل كبير في العين الأخرى، واللي جاي مش هسيبها وهفضل جنبها لحد ما نبقى مع بعض في بيت واحد، ولو رفضت سارة دلوقتي هيكون بسبب الضغط اللي عليها واللي حصل مش بإرادتها».

مصطفى خطيب البلوجر سارة برنامج تفاصيل

واستكمل مصطفى خطيب البلوجر سارة: «أنا مش شايف إني قصرت في حاجة كان هدفي أتطمن على سارة، ووالدتها كانت بتقول لصحابها قولوا لسارة إن مصطفى ندل وعايش حياته ونسيكي وشايف إن الحادث قضاء وقدر محدش يقدر يعترض».

وقال أيضًا: «لحد دلوقتي أنا مقعدتش معاها ومش هسمع حاجة غير من سارة حتى لو كل الناس اتكلمت ووالدها بينكر إني كنت في القسم وبحاول أجيب حق سارة».

ووجه كلامه لسارة قائلًا: «إنتي عارفة إن والدتك مش بتحبني ونفسها إننا نبعد عن بعض، وأنا هتجوزك ومش هسيبك إلا لما تكوني كويسة ويمكن ربنا فداني عشان أفضل جنبك».

مصطفى يحاول الاتصال بخطيبته البلوجر سارة

حاول مصطفى الاتصال بخطيبته البلوجر سارة، لكنها لم ترد عليه، معلقًا: «والدتها قالت لوالدتي هعمل مجزرة لو جيتوا ونفسيتي وكرامتي مش هتخليني أقبل ده، عشان كدة مش عايز أكلم أهلها».

واستكمل كلامه قائلًا: «أنا بيعت شقتي لقدر الله لو احتجنا فلوس عشانها أو لعلاجها».