صابرين: بعدي عن الغناء غلطة حياتي وختمت القرآن لأم كلثوم 3 مرات

علقت الفنانة صابرين على انتقادات تصريحها عن تناولها شوربة الكوارع للحفاظ على الكولاجين في بشرتها، وكشفت أسرار لأول مرة عن مشوارها الفني وحياتها الشخصية.

قالت صابرين عبر تصريحات تلفزيونية: «لما قُلت إني بشرب شوربة كوارع علشان الكولاجين، الناس اتريقت وقالوا دي عاملة بوتكس وعمليات، إحنا بنعمل كل حاجة حلوة، وبحقن حقن نضارة وبروح لدكتور يظبطلي وشي، لأننا بنتعرض لإضاءة ومجهود ذهني وعصبي، ولكني معملتش عمليات جراحية».

تصريحات صابرين

وتابعت: «أنا واخدة الحياة ببساطة لأننا طول الوقت بنعمل أدوار معقدة، والابتسامة لازم تبقى على وشنا طول الوقت، ودي حاجة صعبة جدًا، وبقول لنفسي كل ما أنزل أصور دور جديد، أوعي تبقي محترفة خليكي هاوية، علشان أفضل محتفظة بروحي بتاعة زمان، ونفسي أعمل الدور بتميز زي ما كنت في البدايات، لأني لو بقيت محترفة وواثقة بزيادة مش هنفذ الدور مظبوط».

كما أعربت صابرين عن ندمها على ترك الغناء، معتبرة أنه قرار خاطئ رغم أسبابه، ووصفت شادية بأنها أهم ممثلة في تاريخ السينما المصرية والعربية.

أسرار صابرين

وكشفت صابرين عن لقب أطلقه عليها المؤلف وحيد حامد، معلقة: «قالي أما اشتغلنا سوا زينب الغزالي وحققت نجاح كبير بعد عرض مسلسل الجماعة إني أحمد زكي الممثلات وعملت شخصيات كتير الجمهور صدقها برغم إن مفيش شبه بيني وبينهم زي أم كلثوم، وزينب الغزالي.

وقالت أيضًا: «من أهم أسباب تعب أحمد زكي إنه كان لوحده بدون أسرة، وأكتر حاجة غلط في حياتي هي إني بعدت عن الغناء وركزت في التمثيل».

واختتمت صابرين: «أم كلثوم أصعب قراراتي الفنية ومكنتش بحبها في طفولتي، وحلمت بأم كلثوم وختمت لها القرآن 3 مرات».