قصة تامر حسني وأحمد آدم من الفيديو المثير للرد.. سخرية أم مدح؟

أثيرت تصريحات متبادلة خلال الساعات الماضية بين الفنان أحمد آدم والفنان تامر حسني، أشار البعض بسببها إلى وجود سخرية وجهها أحمد آدم لـ تامر حسني من خلال برنامجه على احدى القنوات الفضائية، وتم تداول جزء من مقطع فيديو من الكلام الذي تحدث فيه أحمد آدم عن تامر حسني وهو يسخر منه، والحقيقة أن البعض تجاهل باقي الفيديو الذي كان يمتدح فيه تامر وأنه تخطى أنور وجدي بأعماله وموهبته الفنية.

التصريحات المتداولة التي يظهر فيها أحمد آدم وهو يهاجم ويسخر فيها من تامر حسني ، تم تداولها على نطاق واسع عبر مواقع التواصل الاجتماعي المختلفة، وهو ما دفع تامر للرد على ما حدث ووصفه بأنه بسبب جنون التريند.

بداية القصة .. تصريحات أحمد آدم

بدا من حديث الفنان أحمد آدم، أنه من الفنان تامر حسني، مؤكدًا أن أغانيه بها إسفاف وأفلامه سيئة جدًا، وأغاني تعبانة.

وقال أحمد آدم، في تصريحات تليفزيونية: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبل للبنات.

وأضاف أحمد آدم: تامر بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدة.

الجزء الثاني بالفيديو الذي يمتدح فيه تامر حسني

وكشف الفنان أحمد آدم في الجزء الثاني للفيديو، عن رأيه الحقيقي في الفنان تامر حسني، حيث امتدحه قائلا : تامر حسني هو فيه زي تامر حسني.. لما طلع قولنا يومين وهيخلص، بس الحمد لله الراجل مكمل زي الفل وبيعمل عظمة.. لما بيكتب وبيخرج وبيمثل وبيلحن وبيخرج، بيفكرني بأنور وجدي، بل أحسن لأنه بيغني أغانيه مكسرة الدنيا، ولما بيعمل سينما أفلامه كريتيف وبيعرف يفكر ويطور من نفسه، وبيكتب سيناريو ويخرج ويمثل.

وأضاف أحمد آدم متحدثا عن تامر حسني: أنا بالفم المليان بقول إنه عدى خلاص أنور وجدي لأنه هو من الأساس مطرب ويعتبر أحسن مطرب في مصر بيقف قدام الكاميرا كممثل، وبيعرف يرمي إفيهات واحنا كل كام سنة هيجي واحد زي تامر حسني.

رد تامر حسني على أحمد آدم

رد الفنان تامر حسني، على هجوم الفنان أحمد آدم خلال برنامجه بني آدم شو، مؤكدًا أن الأخير كان يقدم نموذجا للتريند بشكل عام، واصفا إياه بأنه جنن عقول بعض الناس في العصر الحالي.

تامر حسني كتب عبر حسابه الشخصي على موقع تبادل الصور والفيديوهات القصيرة انستجرام: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم.

وتابع تامر حسني: لو ليوم واحد ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه !!!!؟.

وأضاف تامر حسني: الحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه.

أحمد التهامي بعد الهجوم على فيلم «تاج»: تامر حسني أخويا وحبيبي

أحمد آدم يهاجم تامر حسني: طلعلنا شعر صدره وقعد يمصمص في شفايفه

تامر حسني يرد على هجوم أحمد آدم.. «التريند جنن عقول بعض الناس»