محمود حميدة عن استبدال بيومي فؤاد به: لو عرفت الحكاية عمري ما كنت عملت كدة

ياسمين حمادة 14 مايو 2023 | 10:26 صباحاً

أثار الفنان محمود حميدة ضجة واسعة خلال الساعات الماضية بتصريحاته عن فيلم مطرح مطروح وفيلم هارلي، وموقفه من استبدال المنتج محمد السبكي للفنان بيومي فؤاد به.

تصريحات محمود حميدة

قال محمود حميدة في تصريحات تلفزيونية له: «أنا موقفي في الحاجات دي ثابت من زمان، ولو أنا كنت أعرف الموضوع ده مكنتش هوافق على العمل».

وتابع: «والمخرج وائل إحسان، قال لي إن هو عرف وهو في نص العمل، الموضوع الخاص ببيومي فؤاد وهو خاف يقولي لمكملش الفيلم، وطبعًا أنا معرفش كنت هعمل إيه ساعتها، بس في المواقف دي برفض، ولو عرفت الحكاية دي وخصوصًا إذا كانت هتسبب ألم لأن عمري في حياتي ما عملت كدة».

محمود حميدة

محمود حميدة وبيومي فؤاد

وأضاف الفنان محمود حميدة قائلًا: «كنت دايمًا لما طلعت بعمل أعمال لأحمد زكي ومحمود عبد العزيز وفاروق الفيشاوي، ولما كان بيحصل موضوع زي ده ويقولولي العمل ده كان المفروض يعمله فاروق بس أنت هتعمله، أسالهم فاروق عرف يقولوا آه أقولهم كلموه».

ومن جانبه، كان قد أوضح بيومي فؤاد في تصريحات تلفزيونية سابقة له، أنه تعرض للغدر من المنتج محمد السبكي، مما أدى إلى ارتفاع ضغط عينه بطريقة خطيرة، معلقًا: «محمد السبكي يعلم هو عمل إيه أعطيته فيلمي، وناس كتير وجامدين طلبوا مني يعملوا الفيلم لكن أنا فضلته، ولما المؤلفين اشتكوا من الأجر دفعت لهم من جيبي ليقبلوا التوقيع».

واستكمل: «بعد توقيع المؤلفين جاب محمود حميدة يعمل فيلم مطرح مطروح مكاني، لما سمعت الخبر ضغط عيني وصل فوق 50 والطبيعي 20، وكان لازم أعمل عملية».

محمود حميدة ومحمد رمضان

وفيما يخص أزمة محمود حميدة ومحمد رمضان بفيلم هارلي، قال: «السبب قد يبدو غير معقول ولكن بالنسبة لي كان معقول وهو أن محمد رمضان دعاني للعمل ده واللي شرح لي التفاصيل المخرج محمد سامي».

وقال أيضًا: «وقالي هنصور الفيلم ده أثناء رمضان وهنزله على العيد، وأعجبت بالجرأة دي أنه شايف حاجة يعني ورا التعاون ده وأن لازم يبقي بالسرعة دي وبعدين عملنا اجتماع أنا ومحمد سامي وشرح لي فيه القصة لأن العمل كان بيتكتب على الهوا كمان فدي مغامرة كبيرة جدًا، وكان الدافع بتاعي في الأول والأخر إني أساعده على تحقيق اللي في دماغه اللي هي عمري ما عملتها قبل كده بالشكل ده».

محمود حميدة ومحمد رمضان

محمود حميدة فيلم هارلي

وأشار محمود حميدة إلى أن ترتيب وضع اسمه على أفيش وتتر فيلم هارلي، إساءه واضحة له، فهو لم يوافق على تنفيذ الفيلم إلا بعد الاتفاق على هذا البند بالتحديد لكن تم مخالفته.

وتقدم بشكوى لنقابة المهن التمثيلية، وموضحًا أنه في حال عدم قدرتهم على حل الموقف، سيضطر للجوء إلى القضاء، مضيفًا: «محمد رمضان على دراية بمخالفة العقد وإيمان بنتي قالتلي أن وهو بيمضوا المنتج قالها أنه وكيل محمد رمضان، ومحمد مضان قال أعملوا اللي أستاذ محمود عايزه وشايف أن هي إساءة متعمدة، ومفتكرش أني هشتغل مع محمد رمضان تاني، ومحمد سامي ومي كلموني وأبدوا استيائهم، ومي قالتي أنا مليش دعوة وهما زي ولادي».

محمود حميدة