منة فضالي ترد على منتقدي ملابسها وسفرها المتكرر: أنا عند ربنا أحسن

حرصت الفنانة منة فضالي على الرد على الانتقادات، التي تعرضت لها بسبب ملابسها وسفرها المتكرر خارج البلاد.

نشرت منة فضالي صورة جديدة لها، عبر حسابها الرسمي بموقع انستجرام، معلقة: «أوعى تصدق اللي تقولك صاحبتي وأختي وحبيبتي أو صاحبي وأخويا وحبيبي إلا لو كان بالفعل».

رد منة فضالي على الانتقادات

وتابعت: «أصل الكلام ببلاش لكن الأفعال محتاجه مجهود، الفلوس حلوة وكل حاجة بس مش كل حاجة الفلوس لأنها مش بتشتري الصحة والأهل واللي ماتو وفارقونا، فيه حاجات كتير في حياتنا أهم من كل ده صاحبك دراعك حبيبي قرشي وأخويا صحتي ربنا ما يحوج حد لحد أبدًا».

واستكملت منة فضالي: «هتقولولي بتقولي الكلام ده ليه دلوقتي وإنتي كل شويه في بلد ومنين فلوس والجو النيلة ده أقولكم الحمدلله أنا اشتغلت كتير جدًا جدًا وده رصيدي يمكن حظي مش زي كل الناس بس أنا راضية والحمدلله باللي ربنا ادهولي، هتقولولي وإنتي بتعرفي ربنا وإنتي بتلبسي عريان أقولكم اه يمكن أنا عند ربنا أحسن من ناس كتير».

تصريحات منة فضالي

واختتمت: «يمكن بعمل خير كتير من غير إعلان لأن اللي بيعمل خير مش لازم يقول دي حاجة بينك وبين ربنا بس، كفاية إني عمري ما أذيت حد في حياتي بالعكس أنا دايمًا بتأذي، اللي عاوزة أقوله محدش يعتمد على حد ولا يصدق حد ولا يثق في حد في الزمن ده النفوس وحشة أوي علشان كده أنا دايمًا لوحدي أو مع أمي وكلابي وبس لأن مفيش حد له أمان.. ربنا يحرس الجميع من شر نفوس الناس».