ميس حمدان: تعرضت للتحرش الجنسي.. وخالد يوسف هزقني بسبب المشاهد الساخنة

تحدثت الفنانة ميس حمدان عن تعرضها للتحرش مرات عديدة وعلاقتها عن شقيقاتها، ما جعل اسمها يتصدر التريند الساعات الماضية.

ميس حمدان تتصدر التريند

يرصد موقع قناة صدى البلد، فيما يلي 15 تصريح تلفزيوني من الفنانة ميس حمدان عن العديد من المفاجأت.

• كنت في المدرسة الابتدائية في مصر، وكنت راجعة من المدرسة، والمدرس ناداني ودخلني في مدخل عمارة
• بعد هذه الواقعة بدأ المدرس يعاملني معاملة سيئة جدا، والرجل الذي يتحرش بطفل أكيد مريض نفسي
• تعرضت للتحرش الجنسي مرات كثيرة، والشيء الذي هون الموضوع اكتشافي إن 90% من البنات اللاتي أعرفهن مررن بتجربة التحرش، سواء من السائق أو أولاد العم والخال، أو العم والخال، أو الفكهاني والمدرسين
• الشيء الذي يحيرني هو لماذا لم نتكلم عن تعرضنا للتحرش في صغرنا، وأعتقد أن أهالينا لم يعلمونا ذلك، ولهذا علمت ابنتي من الصغر كيف تتجنب التحرش
• الحمدلله أنا واخواتي مستورين وكويسين، وطلعنا كلنا عصاميين، وكنت بصرف على نفسي من أولى ثانوي وكنت بدفع مصاريف جامعتي ومصاريف جامعة أختي مي سليم، لأني كنت بشتغل في قناة إم بي سي وباخد فلوس كويسة، كنت بساهم في مصاريف اخواتي
• الموضوع كان صعب مش سهل تاني ومافيش حد بيسندك، واحنا كنا رجالة نفسنا لحد دلوقت، لو عندي مشكلة مبستناش راجل يحلها بحلها بنفسي
• انا حبيبة اوي بحب على نفسي، حسيت احساس السند والضهر ولكن مش كامل، لان مجتش المواقف الكافية اللي توريني مدى كفاءة الإنسان اللي قدامي واعتمد عليه، ويمكن عشان كنت صغيرة، وده من كتر اعتمادي على نفسي، اللي هو هيجي هيعمل ايه.
• زمان كنت ممكن اقول مش هعتزل الفن عشان نجاحاتي وعايزة اكبر نفسي وهكذا، دلوقت ممكن استغنى عن كل حاجة عشان اكون أسرة وممكن اسيب شغلي عشان أبني بيت

ميس حمدان تتحدث عن المخرج خالد يوسف

• خالد يوسف ممكن زمان كان في موقف حصل هو حمقي شوية في ردود أفعاله، هو كان عايزني في الدور بتاع دوللي شاهين في فيلم ويجا، وروحت المكتب بتاعه وكان في هاني سلامة، وكان بيقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم، وكان بيقولي إنتي كده مش فنانة وبطلوا الطريقة دي، وأنتوا اللي بوظتوا الفن وزمان الفنانين مكانوا بيفكروا بالطريقة دي وكانوا محترمين برضوا، وهو ليه وجهة نظر وتُحترم، وأنا حسيت إني بتحط في زاوية قولتله طيب إديني فرصة أروح البيت أسأل ماما وأنا مكنش عندي الجرأة أعمل المشاهد دي، واعتذرت وقولتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة
• الصحافة عرفت والخبر انتشر وأنا كمان قولت إني كنت هعمل الفيلم، وخالد يوسف كلمني وإداني على دماغي وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش عليا خالص، وخدت الكلام وسكت
• أنا بنسى أن مي أختي اتجوزت وليد فواز، ولما حد بيسأل مي اتجوزت كام مرة قالت مرتين قولتلها هي مرة، قالتلي لأ مرتين إنتي نسيتي؟ وأنا فعلًا نسيت
• الفترة اللي اتجوزت فيها مي وليد فواز فعلًا مُسحت، ووقتها متبسطش لما حصل ارتباط وكان عندي قلق وحسيته مش شبهنا، ولكن هي كانت حباه وهي حياتها بسيطة جدًا وعبارة من بيتها وشغلها وبنتها بس.
• أنا حنينة أوي وبحب الأطفال أوي بس بخاف أبقى ظالمة أو أجيب عيل للغابة اللي عايشين فيها دي، الحياة صعبة ووحشة أوي، فيها إحباطات كتير ومكنتش فاهمة أنها كده، هي دار ابتلاء، إنتي لو مؤمنة بالله وأن في آخره هتعرفي أن الدنيا متاع مش علشان تاخدي فيها اللي إنتي عايزاه، ولكنها مرحلة هنعدي بيها
• الحياة صعبة لأننا بنكون عايزين حاجات كتير ومش بناخدها، وفي حاجة من الحاجات اللي كان عندي رغبة كبيرة فيها ولكن دلوقتي بقى عندي حالة من السكينة هي نجاحي في شغلي
• من كام سنة أثر عليا في نفسيتي كتير، وعلاقات حب لا تكمل، والناس بقت صعبة ووحشة، والحيا ة بتخلينا لازم نطلع الوحش اللي جوانا عشان نحمي نفسنا، بقى عندنا حالة من الجشع بشعة ومفيش حد بيحب الخير لحد

ميس حمدان: طلعنا كلنا عصاميين وأنا وإخواتي رجالة نفسنا

ميس حمدان تكشف مواقف تعرضت فيها للتعدي عليها من جيرانها

الأشقاء الثلاثة مي سليم ودانا وميس حمدان يتحدثون عن الزواج: النصيب لم يأتي

ميس حمدان: حبيت مرتين والارتباط ملهوش تخطيط