هنا الزاهد: تخيلت حياتي وقفت بعد الطلاق ودلوقتي مبحبش الشهرة

تحدثت الفنانة هنا الزاهد عن طلاقها، وحقيقة دخولها في علاقة حب جديدة خلال الفترة المقبلة.

قالت هنا الزاهد عبر تصريحات إعلامية: «اتطلقت في أواخر 2023، والحمدالله تخطيت طلاقي وهذه أحسن فترة في حياتي وشخصيًا مكنتش أعرف إزاي هعدي وتخيلت أن حياتي وقفت خلاص مش علشان الحب وكده».

تصريحات هنا الزاهد عن الطلاق

وتابعت: «لكن لقيت الحياة بتكمل والحياة حلوة عادي، وكنت بشوف أي ست تتطلق وأستغرب إن ده بيحصل ومكنتش متوقعة إن ده يحصلي، لحد ما اتعرضت للطلاق بس بقيت أحسن دلوقتي وبركز مع نفسي، وكنت فاكرة الحب صحي بس مطلعش صحي أوي ومكنش الحب اللي أنا عايزاه».

واستكملت هنا الزاهد: «اكتشفت إني لازم أحافظ على قلبي جدًا، وهيبقى صعب جدًا حد يدخل حياتي، عارف لما تبقى قلبك اتكسر أوي، هو حصل له كدة، رممته لوحدي وأهلي كأنهم رمموني ووقفوني على رجلي، بس بالليل وأنت نايم لوحدك بتبقى لوحدك، ومفيش حد هيدخل حياتي إلا لو عارفة إنه صح أوي».

تصريحات هنا الزاهد

وأضافت: «كنت أحب الشهرة في البداية، لكن مع مرور الوقت شعرت بأنني فقدت جزء كبير من خصوصيتي، وأرغب في أن أكون إنسانة قبل أن أكون فنانة، لا زلت أحب الفن والتمثيل، لكنني لم أعد أُحب كل ما يصاحبه من ضغوط».