وفاء سالم تثير الجدل بتصريحاتها عن التحرش: أختي قالتلي فضحتي قرايبنا

عادت الفنانة وفاء سالم للحديث عن التحرش مرة جديدة، بعد أن لاقت حلقتها التي نشرتها عن التحرش عبر قناتها على يوتيوب انتشارًا واسعًا.

تصريحات وفاء سالم عن التحرش

يبدو أن تفاعل الجمهور مع فيديو وفاء سالم الذي تحدثت به عن التحرش، شجعها لفتح الحديث عن هذه القضية مرة أخرى، ويرصد موقع قناة صدى البلد، تصريحات وفاء سالم الجديدة عن التحرش.

وفاء سالم تتحدث عن التحرش

• جاتلي مكالمات كتير من كل الدول العربية بسبب الحلقة اللي فاتت
• مفيش ست شافت الحلقة إلا وعملت صدى جواها بسبب التحرش سواء بيتحرشوا بيها وهي صغيرة أو وهي شابة أو وهي عجوزة.
• بتحرج أنزل أجيب خضار مش عارفة ازاي جايلهم قلب يتحرشوا بيا.
• عايزه أقول للساكنين اللي بيقولوا أني فضحت أهلي أنا قولت بعض القرايب ومذكرتش كلمة تحرش، والأذى النفسي عمره ما بيروح.
• الألم النفسي بيأثر على نفوسنا عمومًا.

• اللي حابة أقوله إن كتير من السيدات كلموني وطلبوا مني أكون صوتهم دا شرف كبير ليا.
• لما بعت الفيديو لأختي تيما في أمريكا سمعت صوت تشجيعها.
• أختي غيثاء في حلب قالتلي ايه اللي عاملاه في الفيديو ده وقالتلي من فضلك شيليه، قولتلها اللي قولته ده محصلش معاكي وأنتي صغيرة قالتلي حصل بس مينفعش نفضح قرايبنا.
• النجوم في جولدن جلوب لبسوا أسود احتجاجًا اللي حصلهم بسبب التحرش منهم أنجلينا جولي وسلمى حايك.
• عايزه أطلق حملة اسمها وأنا كمان عشان أقول لكل حبايبي واللي اتعرضوا للتحرش، وهنطلق هاشتاج لأنه شئ مؤذي على مدار العمر.

تصريحات وفاء سالم

حرصت الفنانة وفاء سالم أن تشارك متابعيها بمواقف تعرضت لها فترة طفولتها وحتى فترة قريبة، وما شعرت به من آذى نفسي عقب تعرضها للتحرش الجسدي.

وظهرت وفاء سالم من خلال قناتها الرسمية على يوتيوب والتي أصبحت تتحدث من خلالها عن ما تعرضت له بحياتها، وروت قصتها مع التحرش، لذا يقدم موقع قناة صدى البلد فيما يلي، أبرز تصريحاتها :

• كنت بكره عالم الكبار ومبحبش يحضنوني وأنا طفلة وكنت بستخبى تحت الترابيزة عشان محدش يسلم عليا.
• كانوا بيعتبروني قطتهم السيامي اللي بيلعبوا بها، ويقعدوها على حجرهم، وينقلوها من حجر لحجر لحجر، ولما يحضنوني كانوا بيوجعوا جسمي الصغير.
• كنت بحاول أزقهم بعيد بسبب احساسي بالوجع وتقززي من ريحة السجاير، بس كنت بتكسف يسألوني إذا كنت تحبهم ولا لأ.
• أكتر حاجة لسه فاكراها لغاية دلوقتي وكانت بتوجعني جدًا وعملت جرح في قلبي، لما بعض الأغراب والقرايب كانوا بيقعدوني على حجرهم وينتهكوا طفولتي البريئة بقسوة ووقاحة.

• في الأول ماكنتش بفهم وكنت بتكسف أتكلم، كل ده شريط بيمر ويلف في دماغي عمري ما نسيته، ولما كبرت كنت بحس الطفلة اللي في دماغي لسه موجودة وقاعدة جوايا.
• كان بيحصل معايا حاجات شبه كده لغاية وقت قريب، بيدخلوا لي من مداخل أنتي فتاة أحلامنا، أنتي اللي كلك أنوثة وجمال ومحصلتيش، كل ده كان مدخل عشان يوصلوا لحاجة أنا مش عارفة أنطقها، أكيد فهمتوا.
• لسه لغاية وقت قريب، كان بيتقالي أنا خالتي كانت ساكنة فوقكم وكنت باجي أبص عليكي من بعيد عشان أنا كنت معجب وخفت أكلمك، وده كمان حاجة أنتوا عارفينها.