وفاء مكي توجه رسالة لـ ميار الببلاوي: مصعبتش عليكي تخفي دليل براءتي وأنا مظلومة

كشفت الفنانة وفاء مكي، عن قصتها مع الإعلامية ميار الببلاوي التي كان معها دليل برائتها وتم تهديدها بقتل ابنها في حالة شهادتها.، موجهة رسالة لها: مصعبتش عليكي تخفي دليل براءتي وأنا مظلومة.

وفاء مكي: ميار الببلاوي بعتتلي جواب وقالتلي دليل براءتك معايا

وقالت وفاء مكي، في تصريحات تليفزيونية: من 23 سنة وأنا في عز مشكلتي ميار الببلاوي بعتتلي جواب وقالتلي أنا دليل براءتك معايا وهقف جنبك وأساعدك، وكنت بناشدها من فضلك تعالي قولي كلمة الحق وما يمليه عليكي

ضميرك، وبعد كدة مفيش ميار، واللي فجرت الموضوع ده هند عاكف.

وتابعت وفاء مكي: لو كانت ميار الببلاوي ضميرها صحي مكنتش وصلت للي انا فيه.. هند عاكف كان فيه انتخابات نقابة وقالتلي انا عايزاكم تقفوا جنبي وتدعموني وجاتلي البيت وجه في الأسامي اللي قالتلهالي اسم ميار الببلاوي.

وفاء مكي: ميار الببلاوي كان في ايديها تنقذني

واستكملت وفاء: قولتلها الانسانة دي كان في ايديها تنقذني وتتقي ربنا فيا ومحصلش، ولقيت هند بتصرخ وتقول اسكتي انتي متعرفيش ايه اللي حصل في يوم من الأيام لقيت ميار بتتصل بيا وتقولي أنا بموت وبدمر وتعبانة نفسيا وصحيا وداخلة اعمل عملية قلب ومعايا دليل براءة وفاء مكي بس مقدرتش اقولها ومش عارفة انام من 23 سنة، لاني كنت مهددة بدبح ابني.

وأضافت: والرسالة كان مكتوب فيها (لو كنتي عايزة تروحي تشهدي مع وفاء مكي هندبح ابنك)، و الجواب جه لجوزها وكان موجود على العربية بتاعته، وده اللي هي قالته.

أشرف زكي: زعلت من وفاء مكي والكلام في الأمور الشخصية على السوشيال ميديا بقى موضة

تفاصيل خطاب يكشف براءة وفاء مكي في قضية الخادمات بعد 23 عاما

بعد 23 عاما من الحادث.. هند عاكف تفجر مفاجأة عن دليل براءة وفاء مكي