يسرا: كنت عارفه أن ماما هتموت قبلها بـ 24 ساعة.. وأسالوا إلهام شاهين

أثارت تصريحات يسرا الجدل الساعات الماضية، عقب حديثها عن والدتها وانتقاد الجمهور لها عندما ذهبت لحفل زفاف عقب وفاة الفنان سمير غانم.

تصريحات يسرا

يرصد موقع قناة صدى البلد، فيما يلي تصريحات الفنانة يسرا التلفزيونية، بشكل كامل، وإليكم التفاصيل.

يسر توضح سوء تفاهم للجمهور

• سمير غانم حبيب قلبي مفيش شك أني بحبه، وأنا طالعة من جنازته كنت بكلم دلال عبد العزيز ومش قايله أني في جنازته، قولتها وحشتيني وخبيت عليها وحكيت لها أني مسافرة الجونة وعندي فرح
• أي حد حزنت عليه حزنت عليه من قلبي، وأي حد فرحتله فرحتله من قلبي، وما فيش حد حزنت عليه أكتر من أمي
• كل يوم عندنا فرح وميتم ولا نستطيع أن أرضى العالم، مش يمكن أكون رحت الفرح رحت علشان أنسى الحزن
• في ناس نفسها تشوفلك الغلط، وعلى طول كنت بسأل عن دلال عبد العزيز، وعندي الجروب بتاعها لحد دلوقتي، وأنا قولت لدلال أنا خارجة ورايحة فرح دلوقتي، ورايحه الجونة وخبيت عليها علشان أنا خايفة عليها
• اتعلمت حاجة من الدنيا، وهي عمرك ما هترضي العالم سواء قمتي بواجبك، أو مقمتيش بواجبك، يمكن لما روحت الفرح كان علشان أنسى الحزن، والعريس والعروسة زي ولادي

يسرا تتحدث عن والدها

• الحمد لله إنى ما خليتش حد يخدم والدتي في ظروف مرضها، والحمد لله إن ربنا أعطاني هذا وكنت أتمنى أعمل أكثر من كدة بكتير، ولو كنت أقدر أعمل أكثر كنت عملت
• أنا عمرى ما هنسى إني كنت قاعدة مع إلهام شاهين وقولتلها امشي علشان ماما هتموت بكرة، سيبوني علشان عاوزة أقعد معاها، مش عارفة إزاي حصل
• لا نستطيع الحكم على أشخاص ولكن نستطيع أن نحكم على مواقف أو تصرفات، وفي لحظة قبل وفاة أمي حسيت بيها كانت مبسوطة وكنت زعلانة إني عارفة النهاية

  بعض الأحيان تتطلب اتخاذ موقف صارم، وما كان بينهم سوء تفاهم خلق حالة من التشويش والضبابية بينهما، والحمد لله إنه خلاص، في بعض الأحيان لا بد من الابتعاد عن خلاف معين ثم يتم التدخل لتكون حمامة السلام، وفي أثناء النار الحامية لا ينفع التدخل بين المتخاصمين، ووقت التدخل مهم جد

يسرا والأمومة

• جالي فترة كنت هموت وعايزة أبقى أُم، النهاردة بقول الحمد لله أنا راضية باللي ربنا كتبهولي، فيه حاجات لازم ترضي بيها، وحجات لازم تحاربي عشانها، وفي حاجات مينفعش تعاندي ربنا ولا الحقيقة للحصول عليها
• كلنا بنعرف نجامل، وكلنا عندنا 100 وش، وكلنا عندنا وجوه كثيرة نستعملها على حسب الظروف أو الوضع الذي نحن فيه، لكن الوجه الحقيقي هو الوجه الوحيد الذي لا يعرفه أحد غيرنا

يسرا تتحدث عن نيللي كريم

• نيللى اختارت معنا اسم مسلسل 1000 حمدلله ع السلامة عندما حكيت الموضوع لها، ولم يخطر ببالنا وقتها أننا أخذنا اسمًا قديمًا لعمل من أحد، ولكن الناس عرفت اسم المسلسل، ولو غيرناه سيكون صعبًا، فتمت إضافة رقم 1000 في البداية، ووقتها كنت أريد أن تضاف كلمة مليون ليكون مليون حمد الله ع السلامة
• أنا ونيللى كريم نتحدث كثيرًا في شغلنا مع بعض، وآخذ رأيها في أشياء كثيرة، ومرات كثيرة أستفيد من رأى من أمامي في الفكرة، وهذا مهم، وحقيقي أيضًا
• شغل نيللي حلو جدًا هذا العام، وجامد، وليس نكدًا على قدر ما إن الموضوع جاد، وفي بعض الأحيان نحتاج هذا الجد مثلما نحتاج للضحك

يسرا قبل التمثيل

• أنا قبل ما أكون ممثلة أنا دخلت نقابة الموسيقيين كمطربة، وأنا مؤدية كويسة ولست مطربة مثل نجاة الصغيرة، لكن أنا أحب الغناء وبحب الرقص
• كنت بلعب باليه وأنا صغيرة، مفيش حاجة ما حاولتهاش وأنا صغيرة، مهنة التمثيل هي المهنة الأساسية بالنسبة لي، وغنوة 3 دقات عملت 800 مليون مشاهدة في السنة الأولى ووصلت لبليون مشاهد على مدار العالم في يوتيوب، وهذا لم يحدث في أغنية في العالم في يوتيوب ممكن تكون حدثت على مدار 3 أو 4 سنوات في أغانى أخرى لكن ليست بهذه السرعة، كل المقاييس اختلفت.
• حزني على هشام سليم أنا وأخوه لا ينتهي، حزننا حتى مبيقلش، زي حزني على أمي مضى عليه 3 سنين مقلش كان راضي إلى أقصى درجة بالمرض والموت

يسرا تتحدث عن هشام سليم

• هشام من أنقى الناس اللي ممكن نقابلها، والموت هو أصعب لحظات الضعف والحزن عند الإنسان فرض على كل إنسان لازما يعيش كل المشاعر.. وخاصة لو كانت ناس غالية وجميلة بتضيف معنى لحياتك

يسرا اللوزي لـ صدى البلد: أنا وريهام حجاج صحاب وبتجمعنا ذكريات.. سعيدة إني معاها في رمضان 2023

يسرا تكشف مفاجآت مسلسل 1000 حمدلله ع السلامة قبل عرضه برمضان 2023

مسلسل 1000 حمدلله ع السلامة .. يسرا وأولادها في ورطة بسبب الوصية

يسرا تبحث عن طنط سوسو في أحداث مسلسل 1000 حمد الله ع السلامة