آسر ياسين: بدأت بالصدفة وسهير البابلي قالتلي مش هتكمل في التمثيل

تحدث الفنان آسر ياسين عن مواقف غير متوقعة، تعرض لها في بداياته الفنية.

قال آسر ياسين عبر تصريحات تلفزيونية: «في بداياتي الفنانة سهير البابلي قالتلي أنت خجول أوي مش هينفع تكمل في التمثيل».

بدايات آسر ياسين

وتابع: «وده كان دافع ليا إني أشتغل على نفسي وأغيّر الصفة دي، وإسعاد يونس من الناس اللى دعمتني بدايةً من فيلم رسائل البحر، ومن الشخصيات المؤثرة جدًا واللي بحترمها».

واستكمل آسر ياسين: «كنت خجول وسهير البابلي قالتلي أنت بالذوق والأدب ده مش هتكمل، فركزت فى الشغل أكتر وربنا حطلي في طريقي ولاد حلال منهم شريف عرفة وإسعاد يونس».

تصريحات آسر ياسين

واختتم: «وحطوني في الشغل اللي عاوزه وهو الحب والإخلاص، ومكنتش بفكر إني أمثل والتمثيل جه بالصدفة، والبداية قدمت مسرحية في مسرح الجامعة فحبيت التمثيل، والحمدلله ربنا وفقني وحط في سكتي ولاد الحلال».