أبو العينين: الولاء الحقيقي للعمال يتحقق بالحافز والتقييم وضمان الحقوق

تحدّث النائب محمد أبو العينين، وكيل مجلس النواب، عن فلسفته في الإدارة الناجحة، خصوصًا فيما يتعلق بتحقيق الولاء داخل المؤسسات الإنتاجية، مؤكدًا أن العامل المصري بطبعه مخلص حينما يشعر بالتقدير والاحترام.

وقال أبو العينين خلال حواره مع الإعلامي معتز الدمرداش، ببرنامج ضيفي المذاع على قناة الشرق: الولاء عندنا في مصر سهل جدًا، لأن عندنا شعب طيب بيحب القيم المحترمة.

وأضاف أبو العينين: "لو عايز تخلق ولاء حقيقي، لازم تربيه بالحافز والتقييم، وتدي كل واحد حقه.. رقم واحد: تديله اللي يستحقه، آه، يعني تدفع له كويس".

وتابع قائلا: "الخدمات اللي بياخدها، خدمات صحية، مساعدات، مناسبات زي دخول المدارس، رمضان، العيد، لازم تكون جنبه، ولو بيجوز بنته أو ابنه، لازم نحس بيه".

واختتم قائلًا: "الضمان بعد الوفاة كمان مهم.. عندنا ناس بتاخد معاشات إضافية غير بتاعة التأمينات بقالها 6 أو 7 سنين، لحد ما أولاده يخلصوا جامعة، إحنا ما بنسيبش حد من ولادنا.. والعامل لما يحس إن في حد بيسنده، بيبذل أقصى طاقته، لأنه بيبقى عنده ولاء حقيقي".