أميرة نايف تكشف مفاجأة عن مشهد الإغراء بفيلم جاءنا البيان التالي: «المخرج زعق فيا وقالي عاوز واحدة مسيطرة»

عادت الفنانة أميرة نايف بعد غياب واختفاء سنوات طويلة عن الساحة الفنية، لتكشف أسرار وكواليس لأول مرة عن مسيرتها الفنية وأشهرها مشهد الإغراء في فيلم جاءنا البيان التالي.

أميرة نايف تكشف مفاجأة عن مشهد الإغراء فيلم جاءنا البيان التالي

قالت الفنانة أميرة نايف: «كنت حاسة بخجل.. مكنتش عارفة أعمل مشهد الإغراء عشان الفنان محمد كامل هو اللي بيقدم الدور قدامي وده زاد من خوفي أكتر، لأنه زوج خالتي في الحقيقة، وكنت زي بنته وبيشيلني على رجله دايمًا ويجيبلي شيكولاتة».

تابعت الفنانة الأردنية أميرة نايف في تصريحات تلفزيونية: «كنت مكسوفة أعمل الدور ده معاه، بس أخدت تحدي مع نفسي إني لازم اسيطر على الحدث، وقلت للمخرج أستاذ سعيد حامد ده جوز خالتي، قال لي لأ ده الصحفي اللي معاكي في الفيلم، وزعق فيا قالي عاوز واحدة مسيطرة».

أميرة نايف

أوضحت أميرة نايف أيضًا عدم ميلها لتناول المشاهد الجريئة بالأعمال الفنية، قائلة: «قدمت الإغراء في مسلسل الريان وكانوا عاوزين يفصلوا لي حاجات مفتوحة شوية من الصدر، وقلت لهم شوفوا الأداء هيودي لفين، والإغراء الطبيعي أكون لابسة قصير، لكن ممكن ألبس طويل بس مجسم إلى جانب الحركة والأداء».

تصريحات أميرة نايف

أشارت أميرة نايف إلى أنها لم تتوقع أن يتم حصرها في أدوار الإغراء، معلقة: «دي مش منطقتي لكن هم شافوني وحبوني فيها، وأنا عملتها كتحدي، قلت لهم هعملها بطريقتي، لأن المتعارف أن الإغراء لبس وحركات، وأنا هعمل إغراء مش هلبس عريان».

قالت الفنانة في تصريحاتها أيضًا: «اتولدت في مصر وسافرت بين الأردن وسوريا، والتحقت بالمدرسة في مصر، لذلك ثقافتي مختلفة بين الأردن ومصر وسوريا وجميعها عادات وتقاليد واحدة واللكنة الأساسية هي المصرية».

وتابعت: «أنا آخر اكتشاف للراحل فؤاد المهندس وقدمت أعمال في التليفزيون، وأول عمل قدمته في السينما كان فيلم جاءنا البيان التالي».

زيجات أميرة نايف

كشفت الفنانة أميرة نايف، عدد زيجاتها وحقيقة رغبتها في العودة إلى طليقها الأول، قائلة: «اتجوزت بدون اختياري وهما اللي أعجبوا بيا واختاروني واقنعوني بالموافقة عليهم كنت وقتها صغيرة في السن، ولما كبرت لقيت ميولي مش متوافقة مع زوجي الأول والدماغ مش واحدة ومش منسجمين علشان كده أخدت قرار الانفصال».

أميرة نايف

تابعت الفنانة أميرة نايف: «لو حسيت إن زوجي الأول أبو ولادي عايز يرجعلي علشان خاطري أنا موافقة طالما هو عرف قيمتي وعايز يكمل بقية عمره معايا، وخلعت زوجي الثاني لأنه حاول يقتلني، بعد الجواز بشهرين ظهرلي على حقيقته وبقى يتعامل معايا بعنف».

استكملت قائلة: «قلت له مفيش توافق بيننا وخلينا أصدقاء وننفصل فكان رافض تمامًا فقعدت معاه سنة متجوزاه وخلال الفترة دي كنت بطلب منه يوميًا إننا ننفصل، واستعنت بأهلي في دعمي الانفصال عنه، وذهبت للسفارة وقتها طالبتني بتغيير كالون باب الشقة ورفع قضية خلع وهذا ما قمت به وفي مرة رفضت افتح له وبعدين كسر الباب وحاول يتهجم عليّ».

محيي إسماعيل: مفيش حد نصب عليّ ورصيدي في البنك يكفوني 6 شهور

مصطفى قمر يكشف أسرار بداية النجومية : دخلت الفن بالصدفة وصرفت كل فلوسي على الشغل