أمير عبد المجيد عن محمد رمضان: ميحسبش نفسه عليا مغني..فيديو

تحدث الموسيقار أمير عبد المجيد ، عن الفنان محمد رمضان، وغناءه في الحفلات، مؤكدا أن هناك اصوات بالنسبة له مثل «الخمرة».

أمير عبد المجيد ومحمد رمضان

وقال أمير عبد المجيد خلال لقائه مع الإعلامية عزة مصطفى ببرنامج «صالة التحرير» المذاع على قناة صدى البلد: «لبس محمد رمضان الغريب من أجل الشو، وهو شايف نفسه نمبر وان، ولما بيطلع يعمل حفلة بالشو اللي هو بيعمله ده، ويلاقي قدام منه 15 ألف بيتفرجوا عليه، يبقى هو ناجح، وميحسبش نفسه عليا إنه مغني.

وتابع أمير عبد المجيد عن محمد رمضان: «هو صاحب شكل استعراضي جميل، ومعنديش مشكلة أروح حفلة أتفرج عليه، وفيه أصوات بالنسبالي زي الخمرة مينفعش أقعد في حتة فيها خمرة، وفيه أصوات بالنسبالي حرام أقعد وأضيع وقتي».

أمير عبد المجيد ورسالته للجمهور

وأضاف أمير ببرنامج «صالة التحرير»: «وليه أعمل وداني صفيحة زبالة أي حد يرمي اللي هو عايزه، ودي نعمة من ربنا عليا، إدي الفن اللي أنت عايزه بطريقتك، ولكن متقوليش إن ده الفن ودي المزيكا، ومحدش طلع على المسرح إلا وعنده حاجة حلوة».

أمير عبد المجيد