أمير عيد: أنا إنسان حر والست المنتقبة زيها زي أي حد عندي

كشف المغني والممثل أمير عيد رأيه في منتقدين التاتو والسيدات المنتقبات مشيرًا إلى أنه إنسان حر.

أمير عيد يتحدث عن المجتمع

قال أمير عيد في تصريحات تلفزيونية: 'أنا إنسان حر أعمل اللي أنا عايزه، الصور اللي حاططها المجتمع مدمرة جدًا'.

وتابع أمير عيد حديثه، وقال: 'عندي تجاهل كبير برأي المجتمع ومبمشيش برأي المجتمع بصفة عامة، وبحاول أفهم التقاليد، والتقليد ده جاي منين؟'.

رأي أمير عيد في المنتقبات

وعن رأيه في المنتقبات، قال أمير عيد: 'أنا إنسان حر أعمل اللي أنا عايزه، ومش مهتم برأي المجتمع في المرأة، ومش مهم رأي الناس في الحاجات دي زي التاتو'.

واختتم حديثه، وقال: 'الست المنتقبة زيها زي أي حد عندي، وإحنا عندنا عقدة الخواجة حتى في المشاكل الاجتماعية'.

أمير عيد والمخدرات

تحدث الفنان أمير عيد، عن تناوله المخدرات ورأيه في هذا الأمر، كما تحدث أيضا عن حكيم ومحمد منير وإيهاب توفيق والعسيلي.

وقال أمير عيد، في تصريحات تليفزيونية: مبضربش أي حاجة خالص، وجربت كل حاجة في المخدرات من باب الفضول، ولكن مجربتش الكحول، ولو بشرب هقول مش هخجل من كدة.

أمير عيد والحياة

وعن حكايته مع الحياة, فتابع أمير عيد: عمري ما عملت خطة في حياتي واتنفذت، وأنا خطتي في الحياة هو النهاردة وبشوف كل 5 ساعات بفكر أعمل إيه.

وأضاف أمير: مفيش حد زي حد يعني العسيلي هو واحد ونفس الكلام على إيهاب توفيق أو محمد منير.. وفيه ناس صوتها حلو جدا، وزمان الفنان كان مفكر وبشوف إن حكيم بينشر البهجة والسعادة.