أول تعليق من أحمد آدم بعد أزمة هجومه على تامر حسني: شاورت على الفخ ووقعوا فيه

حرص الفنان أحمد آدم التعليق على أزمة الفيديو الذي هاجم فيه تامر حسني منذ أسبوع، مشيرًا إلى أنه نشر فيديوهين أحدهم يهاجم الفنان وأخر يتحدث بشكل جيد عنه وأكد أن حديثه كان صحيحًا بأن فيديو الهجوم هو الذي سينتشر.

أول تعليق من أحمد آدم بعد أزمة هجومه على تامر حسني

قال الفنان أحمد آدم خلال تقديم برنامجه التلفزيوني: «الكلام الأسبوع الماضي كله كان عني، والخبر أحمد آدم يهاجم تامر حسني، مع إني قلت أنا عامل مقطعين، ومقطع الهجوم على تامر حسني سيتحول إلى تريند».

وأضاف: «يعني أنا أقول في فخ وأشاور عليه، ومع ذلك يقعوا فيه، طيب عاندوني وطلعوني غلط، إنما التريند لازم يبقى ذم وشتيمة وقلة أدب، وأثبت لكم بالدليل العملي إن التريند كلمة مشبوهة».

أحمد آدم

أحمد آدم يتحدث على رد فعل تامر حسني

وعن رد فعل تامر حسني، قال أحمد آدم: «كنت متخيل إن تامر ممكن يزعل، لكن هو علشان ذكي لما حد بعتله الفيديو شاف الحلقة كاملة وفهم الموضوع، وكتب بوست أكد فيه إن الكلام السلبي هو اللي هينتشر».

بداية القصة .. تصريحات أحمد آدم

بدا من حديث الفنان أحمد آدم، أنه من الفنان تامر حسني، مؤكدًا أن أغانيه بها إسفاف وأفلامه سيئة جدًا، ويقدم أغاني تعبانة.

وقال أحمد آدم، في تصريحات تليفزيونية: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبل للبنات.

وأضاف أحمد آدم: تامر بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدة.

الجزء الثاني بالفيديو الذي يمتدح فيه تامر حسني

وكشف الفنان أحمد آدم في الجزء الثاني للفيديو، عن رأيه الحقيقي في الفنان تامر حسني، حيث امتدحه قائلا : تامر حسني هو فيه زي تامر حسني.. لما طلع قولنا يومين وهيخلص، بس الحمد لله الراجل مكمل زي الفل وبيعمل عظمة.. لما بيكتب وبيخرج وبيمثل وبيلحن وبيخرج، بيفكرني بأنور وجدي، بل أحسن لأنه بيغني أغانيه مكسرة الدنيا، ولما بيعمل سينما أفلامه كريتيف وبيعرف يفكر ويطور من نفسه، وبيكتب سيناريو ويخرج ويمثل.

أحمد آدم

وأضاف أحمد آدم متحدثا عن تامر حسني: أنا بالفم المليان بقول إنه عدى خلاص أنور وجدي لأنه هو من الأساس مطرب ويعتبر أحسن مطرب في مصر بيقف قدام الكاميرا كممثل، وبيعرف يرمي إفيهات واحنا كل كام سنة هيجي واحد زي تامر حسني.

رد تامر حسني على أحمد آدم

رد الفنان تامر حسني، على هجوم الفنان أحمد آدم خلال برنامجه بني آدم شو، مؤكدًا أن الأخير كان يقدم نموذجا للتريند بشكل عام، واصفا إياه بأنه جنن عقول بعض الناس في العصر الحالي.

تامر حسني كتب عبر حسابه الشخصي على موقع تبادل الصور والفيديوهات القصيرة انستجرام: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم.

تامر حسني

وتابع تامر حسني: لو ليوم واحد ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه !!!!؟.

وأضاف تامر حسني: الحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه.

قصة تامر حسني وأحمد آدم من الفيديو المثير للرد.. سخرية أم مدح؟

تامر حسني يرد على هجوم أحمد آدم.. «التريند جنن عقول بعض الناس»

أحمد آدم يهاجم تامر حسني: طلعلنا شعر صدره وقعد يمصمص في شفايفه

اليوم.. نظر استئناف الفنان أحمد آدم في التهرب الضريبي

أحمد آدم : «عادل إمام بيحبني ومحمد صبحي مؤمن بالديكتاتورية وويجز بيعمل طفرة»