إسماعيل فرغلي يكشف تفاصيل إصابته بسرطان الحنجرة: ربنا نجاني

إسماعيل فرغلي فنان استطاع أن يحقق نجاحات عديدة رغم أنه ليس من نجوم الصف الأول، إلا أنه تمكن من نقش اسمه على أحجار الفنانين الناجحين.

من أداور إسماعيل فرغلي التي لا تُنسى، دوره في مسلسل مكتوب عليا حيث جسد شخصية والد أكرم حسني في العمل، لكن الجمهور لا يعلم أن كواليس هذا العمل الكوميدي، كانت مآساوية لهذا الفنان.

إسماعيل فرغلي

قال إسماعيل فرغلي في تصريحات تلفزيونية: 'جالي ورم في زوري وربنا نجاني منه، كان على أحبالي الصوتية ووقتها كنت بصور مسلسل مكتوب عليا.. روحت لدكتور صحبي قالي أنت كويس بس في حباية صغيرة بس طالعة، وقالي أشوف الغدة، وعملت إشاعة على الغدة وقالوا في وشي ورم ولازم تشيله'.

وتابع: 'قولت إني بصور مسلسل قالولي حياتك ولا المسلسل فربنا كرمني بدكتور محترم قالي خلص مسلسلك وعيد ونعملها لما دخلت المستشفى قولت لمراتي مفيش مخلوق يقولي سلامتك ولاحد يكلمني سبيني مع اللي خلقني؛ لأن قالوا لي الورم كبير على الأحبال الصوتية فلو مفيش دكتور كويس الأحبال الصوتية ممكن تتشال'.

إسماعيل فرغلي

واستكمل إسماعيل فرغلي حديثه، وقال: 'لما فوقت من العملية كنت خايف أتكلم ملقيش صوتي فقولت الحمد لله وأنا مكنتش أعرف صوتي راح ولا طلع ولا إيه لحد بعدها بأسبوع بنشوف المرض ده طلع حميد الحمد لله، وكنت بصلي وأنا مكسوف ادعي بقول لربنا  كفاية اللي أنت عملته معايا'.