إلهام شاهين عن فيديو لبلبة: «ما كنتش بسخر منها.. دي عشرة عمري»

ردّت الفنانة إلهام شاهين على الفيديو المتداول لها بصحبة الفنانة هالة صدقي أثناء حضورهما جلسة تكريم المخرج الراحل يوسف شاهين ضمن فعاليات الدورة الثامنة من مهرجان الجونة السينمائي، والذي أثار جدلًا واسعًا عبر مواقع التواصل الاجتماعي بعدما اعتبره البعض سخرية من حديث الفنانة لبلبة خلال كلمتها في الجلسة.

وقالت إلهام شاهين في تصريحات إعلامية، إن ما تم تداوله فهم بشكل خاطئ تمامًا، موضحة:"الحقيقة أنا مش المفروض أقول كنا بنقول إيه، بس أنا كنت بقول لهالة أنا هموت وأروح التواليت، وهي كانت بتهزر وبتقولي مش هينفع نقوم الندوة قربت تخلص اعمليها مكانك، عشان كده شاورت ليسرا تخلص بسرعة".

وأضافت مؤكدة: "الأمر ملوش أي علاقة بلبلبة خالص، دي صاحبتي وعشرة العمر، ومينفعش أعمل كده معاها نهائي".

وتابعت شاهين متعجبة من الانتقادات التي طالتها قائلة: "حاجة غريبة جدًا، الناس ليه بيفكروا كده! يمكن عشان بيتنمروا علينا طول الوقت فمتخيلين إننا بنتنمر على بعض، بالعكس إحنا الفنانين متماسكين جدًا وأصحاب قوي، ومافيش حاجة ممكن تفرق بينا".

واختتمت حديثها قائلة: "اللي بيتصيدوا لنا دايمًا بيطبقوا المثل اللي بيقول حبيبك يبلع لك الزلط وعدوك يتمنى لك الغلط، وواضح إن إحنا أعداؤهم مش عارفة ليه، عايزين يخلقوا لنا غلط مش لاقيين غلط فبيخلقوا غلط".

وتأتي تصريحات إلهام شاهين لتضع حدًا لحالة الجدل التي انتشرت عبر مواقع التواصل الاجتماعي خلال الساعات الماضية، بعدما حظي الفيديو بانتشار واسع وتفسيرات متعددة من الجمهور والمتابعين.