إنجي علاء تنفي خلافها مع طليقها يوسف الشريف: بيننا عشرة أكتر من 14 سنة

حسمت السيناريست إنجي علاء الجدل، والتساؤلات بشأن حقيقة خلافها مع طليقها الفنان يوسف الشريف، بعد رسالتها الغامضة قبل ساعات.

كتبت إنجي علاء في منشور عبر حسابها الشخصي بموقع فيس بوك: «توضيح.. بالنسبة للكلام المتداول على بعض المواقع أحب أوضح إن بيني وبين أبو أولادي أحلى ولدين في الدنيا.. ما شاء الله عندهم 16 سنة دلوقتي».

وتابعت: «وبينا عشرة أكتر من 14 سنة.. وعلاقة احترام متبادل من بعد الطلاق اللي بقاله سنتين ونص.. والظلم اللي اتعرضتله في الشغل مالوش علاقة بحياتي الشخصية.. الحمد لله على كل شيء.. وكله عند ربنا».

كانت قد أثارت السيناريست إنجي علاء ضجة واسعة وجدلًا كبيرًا خلال الساعات الماضية، بمنشور غامض.

كتبت إنجي علاء في منشور عبر حسابها الشخصي بموقع فيس بوك: «وأنا كمان مش مسامحة.. خصوصًا اللي سرقوا وقتي وتعبي وشغلي سنين وزيفوا الحقايق».

وتابعت: «وخلوني أصدق حكايات وأكتب فيها كمان وهي كلها تأليف ووعدوا وعود ماوفوش بيها وسابوني في نص الطريق وعلى فكرة أنا ممكن أسامح إلا الأذى اللي ضر ببنتي معايا بصورة مباشرة أو غير مباشرة».

واستكملت إنجي علاء: «بس الحمدلله أنا خسرت وهم.. وهم خسروا الحقيقة والحمدلله إني كسبت نفسي في الآخر».

واختتمت: «صحيح كسبتها بعد حرب مؤذية بس كفاية إني لسة بضحك.. حسبي الله ونعم الوكيل والحمدلله رب العالمين كلي ثقة في الله وبحمد ربنا كل يوم أنه بعدني عن الشر ده».