إيمان السيد توجه رسالة لـ ياسمين عبد العزيز: «بنت ناس جدعة وبتفهم فى الأصول»

نشرت الفنانة إيمان السيد صورة للفنانة ياسمين عبد العزيز، عبر حسابها الشخصي بموقع تبادل الصور والفيديوهات «انستجرام».

وعلقت «إيمان» على الصورة قائلة، «مش هبالغ لو قلت إن ياسمين من أجدع الشخصيات اللى قابلتها، أنا معرفتى بيها داخلة على حوالى 14 سنة دلوقتى (فترة طويلة اتغير فيها ناس كتير، وناس أكتر كانوا قريبين ومابقوش موجودين) وياسمين عمرها ما اتغيرت، طول عمرها جدعة وبنت ناس ومحترمة وبتفهم فى الأصول».

وعن كواليس العمل معا=ها قالت، « بتحب شغلها وبتحب كل الناس اللى معاها يطلعوا بأحسن صورة، وزى ما خالد الصاوى قال (وبضم صوتى لصوته): ياسمين عبد العزيز واضحة وصريحة ومش بوشين وما بتجاملش ودا أريح للناس كلها، حقيقى التعامل مع إنسانة زى ياسمين مريح، خاصة لما تكون انت كمان إنسان دوغرى ومش منافق ومالكش فى اللوع».

وأضافت، «ياسمين عمرها ما اتغيرت معايا فى عز ما كان فيه ناس كنت فاكراهم قريبين منى وكانوا يقولولها ما كفاية إيمان السيد بقى (وحتى دا عرفته من برة مش منها لأن طول معرفتى بيها عمرها ما قالت لى ولا قالت قدامى حاجة تضايقنى)، ربنا يكرمها ويرزقها كل خير».

ياسمين عبد العزيز ترد علي ريهام حجاج بفيديو مع زوجها أحمد العوضي :«أجمل قصة حب»

شقيق ياسمين عبد العزيز يرد على منتقديها: «الوحيدة اللي ليها شباك تذاكر في سينمات الوطن العربي»