البابا تواضروس: فكروا كويس قبل الزواج.. ده أصعب قرار يأخذه الإنسان

نصح البابا تواضروس الثاني، بابا الإسكندرية وبطريرك الكرازة المرقسية، الشباب المقبلين على الزواج بأهمية الاختيار الجيد لشريك الحياة.

نصيحة البابا تواضروس للشباب

وقال البابا تواضروس الثاني، في تصريحات تليفزيونية، «فكر كويس خالص، قرار الزواج ده أصعب قرار ممكن إنسان ياخده، يعنى أصعب من قرار الهجرة ومن قرار إنك تسيب شغل».

وتابع  البابا تواضروس، «قرار الزواج بيربط حياتك بآخر إذا ماكانش الإنسان هو أو هي يفكر كويس من أجل وضع كل عوامل النجاح لكي يكون زواجا ناجحا.

مشروع الزواج

وأردف: «اللى بيعمل مشروع صغير بيدرسه تخيل مشروع الحياة، والنصيحة اللى بقدمها دائمًا لأولادنا الشباب هي عندما تختار اختار أما صالحة لأولادك وللبنات اختارى أبا صالحا لأولادك».

واختتم البابا تواضروس الثاني: «ماتختارش البنت اللى شكلها حلو ولا الولد اللى مادياته حلوة، لكن الأصح الإنسان يكون عنده رؤية بعيدة».

البابا تواضروس يوجه الشكر للنائب محمد أبو العينين على تهنئته بعيد الميلاد المجيد