الدولارات بتضيع.. أحمد موسى: مش معقول مصر تستورد مسامير بـ 20 مليون دولار.. فيديو

كشف الإعلامي أحمد موسى، أن هناك 177 مصنعًا للدواء في مصر، ومع ذلك يتم استيراد أدوية بـ 4.5 مليار دولار، معلقا: المفروض نصدر بالرقم ده مش نستورد.

وأضاف موسى، خلال تقديم برنامج «على مسئوليتي»، المذاع على قناة صدى البلد، أن مصر استوردت ورق بـ 650 مليون دولار، في حين أن هناك 3 مصانع ورق في مصر

وأردف أنه يتم استيراد مسامير بـ 20 مليون دولار، معلقا مش عاوزكم تضحكوا ولكن تتعجبوا من هنا لميناء السخنة، عشان ده هيكون أكبر ميناء، وبعدين يعني معنديش مصنع ينتج مسامير، إحنا أولى بالفلوس دي نجيب بيها حاجة مفيدة».

وقال: كنا بلد زراعية وفجأة قل الإنتاج وتم البناء على الأرض وامتلأت خرسانة، عشان نستورد كل حاجة جاهزة لحد ما ضاعت الدولارات اللي عندنا، معلقا «تعرفوا أن الدولارات ضاعت ولا لأۘ».

وأكد أن حجم العائد من التصدير الصناعي 5 مليارات دولار فقط، رغم أن قيمة الصادرات 35 مليار دولار ولكن المكون المستورد منها تبلغ قيمته 30 مليار دولار.

وواصل الإعلامي أحمد موسى، أنه لا بد من توطين الصناعة مثل ما تقوم به وزارة النقل، من إنتاج عربات وقضبان السكة الحديد، وتصنيعها بالكامل لتكون فرص استثمارية حقيقية.