الرئيس السيسي: أهل الشر كانوا يتعمدون توقف محطات الإسالة في 2011.. فيديو

أكد الرئيس السيسي خلال كلمته في مؤتمر حكاية وطن: «مهما الدولة أنتجت من مواد بترولية هذا الإنتاج في تراجع دا طبيعي، ولو وقفنا التنقيب عن البترول سنة واحدة سيكون هناك تأثير قوي على كافة المجالات».

وأضاف الرئيس السيسي: «عدم الاستقرار يؤدي إلى توقف الشركات، توقف الغاز عامل زي الدومنة لو وقفت هتكسر في كله، من غير ما أقول أسماء دول، إيه يخليني احط عشرات المليارات علشان الاستثمار، ومفيش مصادر طاقة».

أهل الشر تعمدوا المظاهرات عند محطات الإسالة

وتابع الرئيس السيسي: «الأشرار كانوا بيعملوا مظاهرات عند محطات الإسالة، وفي الآخر هيئات التحكيم بتدي حكم للشركات بالمليارات، ونحن في عرض كل دولار».

وأكمل: «عندما توقفت الشركات عن الاستثمار والإنتاج في محطات الإسالة، ظهرت أزمة وقود في مصر خلال الثلاث سنوات بعد 2011، الحكومة والوزير عارفين في مشكلة، ولكل خطوة بتتعمل عبارة عن فعل، وكل فعل ليه رد فعل.

أهمية محطات الطاقة

وأشار السيسي إلى: «خلوا بالكم من بلدكم لأن هي اللعبة اللي شغالين عليها، غير كدا إحنا شغالين بنبي ونشيد في كل أنحاء مصر، وكل خطوة تتخذها الدولة مدروسة وبدقة».

واختتم الرئيس السيسي حديثه قائلًا: «وزير البترول دائما بيتخانق مع وزير الكهرباء، ورئيس الوزراء بيفصل بينهم، الغاز والطاقة والكهرباء كلهم مرتبطين ببعض».