الرئيس السيسي: نستهدف دعم كل المزارعين.. ونواجه مشكلة هدر المياه

وجه الرئيس عبدالفتاح السيسي، الشكر لبعض المستفيدين من مبادرة ازرع للتحالف الوطني الأهلي التنموي بعد استعراض تجربتهم في المجالات الزراعية، حيث تستهدف المبادرة تطوير الزراعة بمحافظات مصر.

أضاف الرئيس السيسي، خلال كلمته اليوم، في فعاليات المؤتمر الأول للتحالف الوطني الأهلي التنموي: «إحنا سعداء جدا بالكلام اللي بيتقال والحديث عن زراعة الأفدنة والوصول بها إلى 150 ألف فدان مش 12 ولا 14 وحتى 20 أو 22 الوصول إلى 150 ألف فدان دي تبقى حاجة معتبرة جدا»، متابعا: «المهم من ده إن إحنا نكون مع بعض وإحنا مستعدين مع الزراعة في تقديم الدعم لمثل هذه التجارب.. زي ما اتكلمتوا من قنا وأسوان هقولكم عن تجربة أخرى.. وهي الحديث عن هدر المياه وتوفير المياه».

وتابع الرئيس السيسي: «كل المبادرات اللي اتكلمتوا فيها محل تقدير.. أنا بتكلم على الزراعة تحديدا.. إحنا بنزرع في أسوان والصعيد من 300 إلى 350 ألف فدان من القصب.. إحنا بنستهدف صغار المزارعين وكمان الوصول إلى جميع المزارعين.. وعندكم فرصة أكبر من وزارة الزراعة لأن عندها موظفين مش ممكن يقوموا بدوركم».

وأوضح الرئيس السيسي، قائلا: «فدان القصب يتم بزارعة حديثة ويقلل كمية المياه حتى لو قلل 10% وده رقم كبير أووي.. مع زيادة الإنتاجية من 20 إلى 40% كمان أنا هنا بتكلم عن كتلة محددة في أسوان واللى تتم بالتعاون مع وزارة الزراعة».

وأشار الرئيس السيسي: «عايز أقولكم على حاجة إحنا بنستهدف أمور وحاجات لازم نعمل عليها إضاءة ونقول للناس بصوا عليها وكمان الاستفادة من شوية التقاوي الصغيرة السليمة.. موضوع القصب التحديد في شغل بالتعاون معه وزراتي الزراعة والري وإحنا محتاجين نتعاون معاكم في المجال ده وكمان كل المجالات زي ما اتكلمت قبل كده عن موضوع رؤوس الماشية».

الرئيس السيسي عن مروجي الشائعات: بطلوا هري

الرئيس السيسي: نواجه ظروف صعبة ومينفعشي نخوف الناس