أول رد من أسرة عادل إمام على غيابه عن حفل زفاف ابنة شقيقه
![صور](https://i0.wp.com/cdn.elbaladtv.net/wp-content/uploads/2019/12/عادل-إمام-88.jpg?resize=250,150&ssl=1)
كشف المنتج عصام إمام، عن سبب عدم حضور شقيقه الزعيم عادل إمام حفل زفاف ابنته، الذي أقيم بالأمس، حيث لاحظ الجمهور عدم حضور الزعيم وبدأ يتساءل عن سر غيابه، قائلا: «يا أخي حاجة عجيبة الناس بتسئل مين موجود ومين مش موجود».
وقال عصام إمام في تصريحات خاصة لـ «موقع قناة صدى البلد» «الزعيم كويس وبخير، مفيش أي حاجة من الكلام اللي بيتقال، دلوقتي جائحة كورنا مستمرة وهناك إصابات مستمرة، وكل بيت فيه حالة أو حالتين، فقررنا عدم حضوره حفاظا عليه».
وأضاف: «عشان ميحصلش أزمة أو بتاع والحفلة كانت مغلقة ومكتظة بالناس.. ومن يومين كنت بصلي في المسجد وإمام المسجد توقف وخرج الناس غير الملتزمة من المسجد وقالهم يا جماعة إحنا في جائحة وعندنا تعليمات بالالتزام بكل الاجراءات الاحترازية».
وتابع «إحنا مش هنعرض الراجل للخطر في حاجة زي كدة، الزعيم كويس وتمام بس إحنا بنحوط عليه وهو الحمدلله سليم مفيش اي حاجة، ومش عايزين نعرضه لحاجة».
ويستعد الزعيم عادل إمام للعودة للسينما من جديد بعد غياب لسنوات طويلة، بفيلم جديد يحمل اسم «الواد وأبوه»، مع ابنه محمد إمام، خلال الفترة القادمة.
غياب الزعيم عادل إمام عن حفل زفاف ابنة شقيقه يثير الجدل
من الذاكرة.. صلاح السعدني العمدة المثقف.. وحكايات قهوة الجيزة مع الزعيم