السيسي لـ المصريين: أوعى حد يهد بلدكم ويقولكم كلام كذب.. فيديو

وجه الرئيس عبد الفتاح السيسي التحية إلى رئيس الوزراء الياباني السابق شينزو آبي على التعاون المشترك.

وقال خلال افتتاح الجامعة المصرية اليابانية للعلوم والتكنولوجيا بمدينة برج العرب بالإسكندرية «وجدنا أصدقاء متفاهمين والجامعة المصرية اليابانية نموذج للتعاون بين القاهرة وطوكيو»، مردفا «الخبراء اليابانيون قالوا لم نر في العالم قدرة على تنفيذ المشروع مثلما فعل المصريون».

وأعرب عن أمنياته بالشفاء العاجل لرئيس الوزراء السابق، مهنئا رئيس الوزراء الياباني الجديد.

وتابع «عايز أقول للمصريين من 100 سنة وأكتر لما الدولة كانت ظروفها الاقتصادية أفضل لم تنس المساعدة لكل الدول،  نرى أن الصورة تغيرت الآن فبدلا من أن يمد البعض يد التعاون لمصر يبحثون عن هدم مصر، هو ده رد الجميل اللي اتعمل خلال 100 سنة».

وأكمل «بقول للمصريين أوعى حد يهد بلدكم ويقولكم كلام كذب، عايزين تهدوا الدول ليه، أقسم بالله إن ده تآمر وخيانة، مصر فيها 100 مليون عايزنها تتقاتل وتتخرب»

وتابع «الحكومة بتتحرق معايا، عشان مصر متتحرقش، عشان اللي ضمايرهم ضاعت وبيشككوا البسطاء، هتروحوا من ربنا فين، معلقا «رهاني دائما على المصريين ووعيهم، قبلت التحدي في 2013 هل أنا ضيعتكم ، كان عندكم مشاكل مع الإرهابيين سبناكم وضيعناكم ولا أبناءكم ضحوا من أجلها».

وأردف «هل لو كنت متردد في الإصلاح كنت هقبل على الإصلاح الاقتصادي، مش هنعرف نطلع من اللي إحنا فيه غير بالشغل والتضحية».

وتابع «الدولة فيها مشكلات فوق الخيال، هناك تيار عايز يعمل دولة بتوجهه، والوجه المعلن لهذا التيار التغيير، لكن قسما بالله الوجه الخفي هو تدمير الأمة وتضييها وتخريب الناس».

واختتم «فيه أشقاء وقفوا معانا لما كانت ظروفنا صعبة لهم كل التقدير، أم الآخرين بقولهم كفوا ألسنة الكذب عنا وخلوا الأموال اللي ربنا رزقكم بيها للإصلاح مش لينا، إحنا بفضل الله هنعمل كل شئ جميل في بلدنا لما الدنيا هتحتار باللي إحنا بنعمله، إن الله لا يصلح عمل المفسدين وإحنا إن شاء الله مصلحين».

السيسي يفتتح عدد من الجامعات عبر الفيديو كونفرانس

السيسي: الدولة دخلت مجال الاتصالات بقوة لتوفير التدريب للشباب

https://www.youtube.com/watch?v=O5XSWaD-v-A