بسبب اتهامات تحرش.. أسرة مسلسل فخر الدلتا تحذف اسم أحد كتابها وتفتح تحقيقا

أصدرت الجهة المنتجة لمسلسل فخر الدلتا، بيانًا رسميًا للإعلان عن حذف اسم مؤلف العمل من التتر، بسبب منشورات على 'السوشيال ميديا' تتضمن اتهامات له بالتحرش.

وجاء في بيان الجهة المنتجة لمسلسل فخر الدلتا: 'تود أسرة المسلسل أن توضح أنها أطلعت على المنشورات المتداولة عبر منصات التواصل الاجتماعي بخصوص عضو في فريق الكتابة».

حذف اسم مؤلف مسلسل فخر الدلتا

وتابع: «وإذ نؤكد أننا نأخذ مثل هذه الاتهامات على محمل الجد، فقد تقرر إزالة اسم المذكور من تتر العمل مؤقتًا، وذلك إلى حين التحقق من صحة ما يتداول واتخاذ الإجراءات المناسبة بناءً على ما تسفر عنه نتائج التحقيق».

واختتم بيان أسرة مسلسل فخر الدلتا: «وتؤكد أسرة العمل احترامها الكامل، وحرصها على أن ينال كل ذي حق حقه، في إطار من العدالة والشفافية».

تطورات أزمة مؤلف مسلسل فخر الدلتا

ومن جانبه، دعم الفنان أحمد عصام السيد قرار الجهة المنتجة، وكتب في منشور عبر حسابه بموقع التواصل الاجتماعي: «هتكلم حاليًا كأحمد عصام الفرد، نفسي الناس تكون مكتوب على جبينهم حقيقتهم عشان نتجنب مواقف كتير، لكن الحياة مش كده».

وتابع: «الساعات اللي فاتت فضلت ساكت وبسمع من صديقاتي إيه اللي المفروض أعمله عشان أعمل حاجة مفيدة، فمبدئيًا بسجل دعمي لأي بنت متضررة.. دايمًا مش سهل البوح وكشف الحاجات اللي زي دي لأسباب كتير، لكن دايمًا بيكون ده الصح.. ثانيًا مع اللي حصل واللي بيحصل، بحب أأكد إننا كرجالة محتاجين نكون منتبهين دايمًا، خصوصًا مع زيادة حوادث التحرش ضد النساء والبنات دلوقتي أكتر من أي وقت فات».

واختتم: «لو حد جالنا بشكوى، لازم نكون متفهمين وسريعي التحرك، مش دفاعيين لكن بنسمع وبنقدر. مش المفروض تحت أي ظرف نقلل أو نخفف من الوقائع دي.. ثالثًا لازم التغيير ييجي من النفس، دايمًا خليك واعي براحة أو عدم راحة الطرف اللي قدامك، واسأل واستأذن واستفسر.. بقول الكلام ده لنفسي قبل أي حد.. كل الدعم لكل امرأة شجاعة قررت تتكلم، وكل الدعم لكل امرأة لسة مش قادرة تتكلم».