بسبب المونتاج.. عفاف مصطفى تكشف سر تخوفها من السينما: إحنا الضحايا

تحدثت الفنانة عفاف مصطفى عن تخوفها من العمل السينمائي بسبب تأثير المونتاج، على حجم الأدوار ومساحة ظهور الفنان داخل العمل.

قالت عفاف مصطفى عبر تصريحات تلفزيونية: «السينما دي بخاف منها لأن المونتاج في مصلحة العمل، وأحيانًا بنكون إحنا الضحايا، وفيلم مكسر الدنيا اتشال منه مشهدين ليا».

تصريحات عفاف مصطفى

وتابعت: «وفي فيلم لنا في الخيال حب اتشال لي أكتر من مشهد، وقبل كده كان فيه فيلم اتشال منه 6 مشاهد ليا»، لافتة إلى أن الأمر تكرر معها حتى في أعمال شاركت بها ضمن مهرجان الجونة السينمائي.

وأوضحت عفاف مصطفى أن فيلم السادة الأفاضل تم حذف مشهدين لها منه، بينما حُذفت عدة مشاهد أخرى من فيلم لنا في الخيال حب، مؤكدة أن مثل هذه التجارب جعلتها أكثر حذرًا تجاه خوض تجارب سينمائية جديدة.

أزمة عفاف مصطفى مع مساحة الأدوار

واستكملت: «أنا مش واخدة مساحة الأدوار اللي أستحقها بجد، وساعات كتير كنت بختار غلط يمكن بسبب الكسل أو السرعة، وكان عندي مبدأ إني هشتغل أي حاجة، لكن دلوقتي بقيت بحاول أختار الأعمال الكويسة وتكون مساحة الدور أكبر».

واختتمت عفاف مصطفى: «الأدوار كانت بتيجيلي بصعوبة في البداية، وكنت بتواصل مع المنتجين والمخرجين وأعتمد على العلاقات، لكن الحمدلله بقالي أكتر من 8 سنين الأدوار بقت بتطلبني من غير ما أتواصل مع حد، لأن أدواري مختلفة ونادرة وليها طبيعة خاصة».