بسمة بوسيل تتخطى النصف مليون مشاهدة بأغنية «البدايات».. فيديو

تخطت الفنانة بسمة بوسيل، حاجز النصف مليون مشاهدة بأغنية «البدايات»، والتي طرحتها مساء يوم الجمعة الماضي، عبر قناتها الرسمية بموقع يوتيوب.

وطرحت الفنانة بسمة بوسيل، أول أغنية رسمية في مشوارها الفني، بعنوان «البدايات»، عبر قناتها الرسمية بموقع يوتيوب والمنصات والتطبيقات الموسيقية الرقمية المختلفة.

كما نشرت بسمة بوسيل، البرومو الدعائي لأغنية «البدايات» عبر حسابها في إنستجرام مصحوبًا بتعليق: «اسمعوا أغنيتي الجديدة البدايات دلوقتي على يوتيوب وجميع منصات الاستماع .. إن شاء الله تعجكم. مستنية رأيكم».

وأضافت بسمة بوسيل: «على فكرة الأغنية دي بتاعت تيمو، و لما قلتله انا عايزة اعمل أغاني بتاعتي على طول شجعني و قالي طب اول اغنية ليكي انا هعملهالك، وطلبت منو دي عشان كنت بحبها اوي، فمترددش لحظه انه يديهالي'.

وتعاونت بسمة بوسيل في أغنية «البدايات» مع الشاعر أيمن بهجت قمر، والملحن محمد يحيى، توزيع ومكس فهد، وماستر مصطفى رؤوف، ومن إنتاج تامر حسني.

ومن جانبه هنأ تامر حسني بسمة بوسيل بطرح الأغنية، وكتب عبر ثفحته الرسمية على فيس بوك، قائلاً: «الدنيا كلها متغلاش عليكي يا بسوم الف مليون مبروك وغنيتيها غُنا عظيم بجد ايوا انا المدرب والمنتج بس احساسك هو الموضوع كله … كل سنه وانتي طيبه و يارب من اليوم ده كل ايامك في نجاح و فرح و انتصارات شكراً لصناع الاغنيه المؤلف الكبير ايمن بهجت قمر و الملحن الكبير محمد يحيى و الموزع الكبير فهد و مهندس الصوت الكبير مصطفى رؤوف».

كلمات أغنية البدايات لـ بسمة بوسيل :-

البدايات أجمل بص حواليك و اسأل

كل حاجة حلوة في أولها ياريت حلاوتها بتكمل

حتى الوردة بتدبل وبنسكت وبنقبل

والسنين بتحط مسافة كل مدى بتطول

البدايات أجمل بص حواليك و اسأل

كل حاجة حلوة في أولها ياريت حلاوتها بتكمل

حتى الوردة بتدبل وبنسكت وبنقبل

والسنين بتحط مسافة كل مدى بتطول

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

اول مسكة ايد وبداية المواعيد

احنا كده نتشد وبس تملي لأي جديد

الأيام بتفوت والاحساس بيموت

والأيام بتفوت ولسه البدايات أجمل ..

اول مسكة ايد وبداية المواعيد

احنا كده نتشد وبس تملي لأي جديد

الأيام بتفوت والاحساس بيموت

والأيام بتفوت ولسه البدايات أجمل ..

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله».