حقق فيلم حدوتة للفنان أحمد حلمي رقم قياسي جديد، بعد إيرادات ضخمة حصدها أمس الجمعة 13 نوفمبر، حيث بلغت إيراداته في 24 ساعة فقط 12 مليون و200 ألف و806 جنيه.
وبذلك أصبح فيلم حدوتة الفيلم الوحيد الذي يحقق هذا الرقم كإيراد يومي خارج مواسم الأعياد، وفيما يخص إجمالي إيرادات العمل خلال أول 3 أيام من طرحه بالسينمات 24 مليون و94 ألف و459 جنيه.
ويتصدر العمل المركز الأول في شباك التذاكر بالسينمات، بالتزامن مع طرحه في دور العرض السينمائية في عدد من دول أوروبا والولايات المتحدة الأمريكية وعلى نطاق غير مسبوق.
ومن جانبها، أشادت سالي حلمي شقيقة الفنان أحمد حلمي بفيلم حدوتة، وكتبت في منشور عبر حسابها الشخصي بموقع فيس بوك: «بعد كل الكلام الجميل اللي سمعته عن أحمد حلمي.. ولسه بسمعه.. ولسه إن شاء الله هسمعه.. من يوم ١١/١١ يوم العرض الأول لفيلم حدوتة وأنا قلبي فرحان بأحمد وبنجاح فيلمه الجديد أولًا…لأنه أخويا الكبير، وأنا بفرح لما أسمع عنه كل جميل، وقلبي بيفرح لما بشوفه ناجح يوم ورا يوم، ولما بشوف حب الناس ليه.. ربنا ياحبيبي يزيدك من فضله.. لقيت نفسي لازم أقول، بحكم دراستي وشغلي في علم النفس والمراهقة والطفولة، اللي بقالي فيها 30 سنة، إن ده فيلم يتدرس!».
وتابعت: «الفيلم حقيقي يتدرس لأنه من أرض واقع كتير من الأطفال.. كل لقطة فيه وراها دروس كتير.. حقيقي فيلم محتاج كلام كتير علشان تديله حقه.. كلماتي في البوست دا مش مجرد تحليل لفيلم سينمائي.. دا وقوف على أرض واقع لأن ده والله مش مجرد فيلم.. دي رسالة لكل أم وأب والاسم بيربوا.. دي رسالة للناس اللي بتوجع وتجرح بس.. دي رسالة لمُعلمين كتير جوا مدارس والاسم بيعلموا.. دي رسالة لأطفال كتير.. ممكن يحولوا أي طفل من إنسان عادي لإنسان مليان خوف ووجع.. دي رسالة لمجتمع كامل.. دي رسالة كل واحد فينا لنفسه.. حقيقي فيلم يتدرس».
يضم فيلم حدوتة في بطولته بجانب أحمد حلمي كلًا من أمينة خليل، محمد عبدالعظيم، ماجد المصري، خالد الصاوي، ورحمة أحمد، ومدحت تيخا، وآخرين بجانب عدد من ضيوف الشرف، والعمل من تأليف أحمد عبدالرحمن، والإخراج لـ مازن أشرف.
