بعد إصابته بمرض نادر.. آخر تطورات حالة محمد التاجي الصحية

تثير حالة الفنان محمد التاجي الصحية تساؤلات الجمهور، للاطمئنان عليه، بعد إصابته بمرض «رفرفة أذينية في القلب».

أجرى الفنان محمد التاجي بعض الفحوصات الطبية، كما يستمر على الدواء حتى يخبره الأطباء ضرورة خضوعه لعملية قسطرة في القلب أم لا.

تطورات حالة محمد التاجي

وكان قد كشف الفنان تفاصيل مرضه في فيديو عبر حسابه بموقع فيس بوك، قائلًا: «طالع أقولكم خدوا عظة من اللي جرالي مش عايز حد يزعل أو يغضب أوي فياخد كله على صدره».

وتابع محمد التاجي: «لأني الفترة اللي فاتت بسبب الضغط العصبي والنفسي في ظرف 15 يوما حصل تغيرات غريبة في جسمي، أنا أساسًا عندي مرض اسمه رفرفة أذينية في القلب، وعملت رسم قلب والطاقم الطبي قالي الدنيا ماشية بس عايزين نعملك قسطرة عشان فيه بؤرة جنب ضفيرة القلب اللي بتعمله نبضات بتلخبطه».

محمد التاجي

مرض محمد التاجي

وأضاف: «بقالي سنة ونص أو سنتين داخل وخارج من أوضة العمليات، ولما حطيت نفسي في ضغط تاني وروحت للدكاترة اكتشفوا اني حصلي قصور في الشريان الدائري ومحتاجين يعملوا قسطرتين واحدة عشان ضفيرة القلب والتانية عشان الشريان، على الرغم إني لا مدخن ولا عندي كوليسترول في الدم ولا حاجة».

وقال محمد التاجي أيضًا: «أنا بقولكم مفيش حاجة في الدنيا تستاهل إننا نوصل نفسنا لضغط ومهما اضغط علينا من الآخرين إنك توصل لمرحلة تمرض نفسك بنفسك من كتر التفكير والضغوط والعصبية اللي جواك يحصلك حاجة.. خففوا على نفسكم متاخدوش كل حاجة على صدركم، أنا عارف مين حطني في المواقف دي، مش هقول منهم لله ولا هدعي عليهم.. أنا مسامحكم والعفو عند المقدرة».

واختتم: «واللي مكتوبلي في الدنيا دي أنا هشوفه على الأقل في الفترة اللي فضلي في الدنيا دي أننا نعيشها في سلام.. الله يقويني على الوضع اللي أنا فيه ودعواتكم ليا».

محمد التاجي