بعد منع صعايدة بالجلابية من دخول فيلم أسد.. المخرج محمد دياب غاضبا: جريمة وأنا عازمهم

علق المخرج محمد دياب على واقعة منع ثلاثة رجال من الصعيد، من دخول إحدى السينمات، داخل فندق في وسط القاهرة، لمشاهدة فيلم أسد، بسبب ارتدائهم الجلابية الصعيدية.

وكتب محمد دياب مخرج فيلم أسد في منشور عبر حسابه الرسمي بموقع فيس بوك: «اللي حصل ده جريمة مينفعش يتحرم أي مواطن من خدمة أو دخول مكان بسبب لبسه، واللي في الحالة دي هو زي مصري خالص لازم نفخر به».

محمد دياب ينتقد منع صعايدة من دخول فيلم أسد بإحدى السينمات

وتابع: «المفارقة أن ده يحصل مع ناس داخلة تتفرج على فيلم أسد اللي هو بالأساس ضد العنصرية.. إحنا عازمين الناس المحترمة دي على الفيلم وأنا هخش معاهم بالجلابية شخصيًا.. وطبعًا الغلطة اللي حصلت مسؤولية السينما مش أسرة الفيلم».

واختتم المخرج محمد دياب: «وإحنا بندين أي نوع من التفرقة ضد أي شخص، ولو محصلش اعتذار وتغيير للمنع ده فإحنا ميشرفناش أن فيلم أسد يتعرض في السينما دي».

أبطال فيلم أسد

تضم قائمة أبطال فيلم أسد كلًا من محمد رمضان وعلي قاسم ورزان جمال وإسلام مبارك وكامل الباشا وآخرين.